ବମ୍ବେ: ଭାରତରେ ସର୍ବାଧିକ ପସନ୍ଦ କରାଯାଉଥିବା ରିଆଲିଟି ଶୋ’ ହେଉଛି ‘ଇଣ୍ଡିଆନ୍ ଆଇଡଲ୍’। ଏହାର ସିଜିନ୍ ୧୨ ଚାଲୁ ରହିଛି। ଗାୟିକା ନେହା କକ୍କଡ, ବିଶାଲ ଦଦଲାନୀ ଏବଂ ହିମେଶ ରେଶମିୟା ଏଥିରେ ବିଚାରପତି ଆସନ ଅଳଙ୍କୃତ କରିଛନ୍ତି। ଶୋ’ର ପ୍ରତିଯୋଗୀମାନେ ମଧ୍ୟ ବେଶ ଟ୍ୟାଲେଣ୍ଟେଡ୍। ଭାରତର ବିଭିନ୍ନ ପ୍ରାନ୍ତରୁ ଆସିଥିବା ଏହି ପ୍ରତିଯୋଗୀମାନଙ୍କ ଗାୟନଶୈଳୀ ଶୋ’କୁ ଆସୁଥିବା ଅତିଥିମାନଙ୍କୁ ବେଶ ପସନ୍ଦ ଆସିଥାଏ। ଚଳିତ ସପ୍ତାହ ଶେଷ ଆଡ଼କୁ ଟେଲିକାଷ୍ଟ ହେବାକୁ ଥିବା ଏପିସୋଡରେ ଜୟା ପ୍ରଦା ଅତିଥି ଭାବେ ଯୋଗ ଦେବେ। ଏଣୁ ଏହା ବହୁତ ଖାସ୍ ହେବ ବୋଲି କୁହାଯାଉଛି। ହେଲେ ଅନ୍ୟ ଏକ କଥା ଜଣାପଡ଼ିବା ପରେ ଦର୍ଶକ ନିରାଶ ହୋଇଛନ୍ତି। ସେଇଟି ହେଲା ଏବେ ଆଗାମୀ ଏପିସୋଡ୍ରେ ଜଜ୍ ନେହାଙ୍କୁ ଦେଖିବାକୁ ମିଳିବ ନାହଁି। ବ୍ୟକ୍ତିଗତ କାମକୁ ନେଇ ସେ ବ୍ୟସ୍ତ ରହିବେ। ଏଣୁ ଶୁଟିଂ କରିପାରିବେ ନାହିଁ ବୋଲି ଜଣାପଡ଼ିଛି। ହେଲେ ଦର୍ଶକଙ୍କ ମନୋରଞ୍ଜନ ପାଇଁ ନିର୍ମାତାମାନେ ପ୍ରଚେଷ୍ଟା କରିବେ ବୋଲି ଆଶା କରାଯାଉଛି।
