ଆଜି ହେଉଛି ଶିଶୁଦିବସ। ପ୍ରତିବର୍ଷ ନଭେମ୍ବର ୧୪ରେ ଭାରତରେ ଶିଶୁଦିବସ ପାଳନ କରାଯାଏ। ଏହିଦିନ ଭାରତର ପ୍ରଥମ ପ୍ରଧାନମନ୍ତ୍ରୀ ଜବାହରଲାଲ୍ ନେହେରୁଙ୍କ ଜନ୍ମଦିନ। କୁହାଯାଏ, ନେହେରୁ ପିଲାମାନଙ୍କୁ ବହୁତ ଭଲ ପାଉଥିଲେ। ତେଣୁ ତାଙ୍କର ଜନ୍ମଦିନକୁ ସେ ପିଲାମାନଙ୍କ ପାଇଁ ଉତ୍ସର୍ଗ କରିଥିଲେ। ସେହିଦିନଠାରୁ ନଭେମ୍ବର ୧୪କୁ ଶିଶୁଦିବସ ଭାବରେ ପାଳନ କରାଯାଇଆସୁଛି।
ନେହେରୁ ୧୮୮୯ ନଭେମ୍ବର ୧୪ରେ ଆହ୍ଲାବାଦରେ ଜନ୍ମଗ୍ରହଣ କରିଥିଲେ। ତାଙ୍କ ପିତା ହେଉଛନ୍ତି ପଣ୍ଡିତ୍ ମୋତିଲାଲ ନେହେରୁ ଏବଂ ମାତା ସ୍ବରୂପ ରାଣୀ। ସେ ତାଙ୍କ ଭଉଣୀମାନଙ୍କ ମଧ୍ୟରେ ଜ୍ୟେଷ୍ଠ ଥିଲେ। ଆଜିର ଏହି ସ୍ବତନ୍ତ୍ର ଦିବସରେ ନେହେରୁଙ୍କ ବିଷୟରେ ଜାଣନ୍ତୁ କିଛି ରୋଚକ କଥା…
୧୬ ବର୍ଷ ପର୍ଯ୍ୟନ୍ତ ନେହେରୁ ସ୍କୁଲକୁ ଯାଇ ନ ଥିଲେ। ତାଙ୍କ ପିତା ତାଙ୍କୁ ଘରୋଇ ଶିକ୍ଷକମାନଙ୍କ ଦ୍ୱାରା ପଢ଼ାଇବାର ବ୍ୟବସ୍ଥା କରିଥିଲେ।
ସେ ୧୯୦୭ ଅକ୍ଟୋବରରେ କେମ୍ବ୍ରିଜ୍ର ଟ୍ରିନିଟି କଲେଜକୁ ଯାଇ ୧୯୧୦ରେ ପ୍ରାକୃତିକ ବିଜ୍ଞାନରେ ସ୍ନାତକ ଡିଗ୍ରୀ ହାସଲ କରିଥିଲେ।
୧୯୧୦ରେ ଡିଗ୍ରୀ ସମାପ୍ତ ପରେ ନେହେରୁ ଲଣ୍ଡନ ଯାଇ ଇନର୍ ଟେମ୍ପଲ ଇନ୍ରେ ଆଇନ ଅଧ୍ୟୟନ କରିଥିଲେ।
ଅଗଷ୍ଟ ୧୯୧୨ରେ ଭାରତ ଫେରିବା ପରେ ସେ ନିଜକୁ ଆହ୍ଲାବାଦ ହାଇକୋର୍ଟର ଆଡ୍ଭୋକେଟ ଭାବରେ ନାମ ଲେଖାଇଥିଲେ। ସେତେବେଳେ ସେ ମହାତ୍ମା ଗାନ୍ଧୀଙ୍କ ଆଦର୍ଶରେ ଅନୁପ୍ରାଣୀତ ହୋଇ ବ୍ରିଟିଶ ଶାସକଙ୍କ ବିରୋଧରେ ସଂଗ୍ରାମରେ ଯୋଗ ଦେଇଥିଲେ।
ନେହେରୁଙ୍କୁ ପ୍ରଥମଥର ପାଇଁ ୧୯୨୯ରେ ଜେଲ୍ ହୋଇଥିଲା।
ନେହେରୁ ‘ଦି ଡିସକଭରି ଅଫ୍ ଇଣ୍ଡିଆ’, ‘ଗ୍ଲିମ୍ପ୍ସ ଅଫ୍ ଓ୍ବାଲର୍ଡ ହିଷ୍ଟୋରି’ ଏବଂ ତାଙ୍କ ଆତ୍ମଜୀବନୀ ‘ଟୁଓ୍ବାର୍ଡ ଫ୍ରିଡମ୍’ ଭଳି ଅନେକ ପୁସ୍ତକ ଲେଖିଥିଲେ।