କାଠମାଣ୍ଡୁ,୧୯ ।୧୨: ନେପାଳରେ ନିର୍ବାଚନ ସରିଥିଲେ ବି ଏବେ ପର୍ଯ୍ୟନ୍ତ ସେଠାରେ ସରକାର ଗଠନ ହୋଇପାରି ନାହିଁ । ରବିବାର ରାଷ୍ଟ୍ରପତି ବିଦ୍ୟା ଦେବୀ ଭଣ୍ଡାରୀ ନେପାଳର ସମସ୍ତ ରାଜନୈତିକ ଦଳଙ୍କୁ ୭ ଦିନ ମଧ୍ୟରେ ସରକାର ଗଠନ କରିବାକୁ ଆହ୍ୱାନ ଦେଇଛନ୍ତି । ରାଷ୍ଟ୍ରପତିଙ୍କ ପକ୍ଷରୁ ସରକାର ଗଠନ କରିବାକୁ ୨୫ ଡିସେମ୍ବର ସନ୍ଧ୍ୟା ୫ଟା ପର୍ଯ୍ୟନ୍ତ ସମୟ ଦିଆଯାଇଛି ।
ପ୍ରଧାନମନ୍ତ୍ରୀ ଶେର ବାହାଦୂର ଦେଉବା ମେଣ୍ଟ ସହଯୋଗୀ ପୁଷ୍ପ କମଲ ଦହଲ ପ୍ରଚଣ୍ଡଙ୍କ ସହ ଶାସନ କ୍ଷମତା ବଣ୍ଟନ କରିବାକୁ ନେଇ ଚର୍ଚ୍ଚା କରିଛନ୍ତି । ରାଷ୍ଟ୍ରପତି କାର୍ଯ୍ୟାଳୟ ପକ୍ଷରୁ ଜାରି କରାଯାଇଥିବା ଏକ ବୟାନ ଅନୁଯାୟୀ, ଦାବି ପ୍ରସ୍ତୁତ କରିବା ସମୟରେ ସୀମା ୨୫ ଡିସେମ୍ବର ସନ୍ଧ୍ୟା ୫ଟା ରଖାଯାଇଛି । ୨୭୫ ସଦସ୍ୟ ବିଶିଷ୍ଟ ପ୍ରତିନିଧି ସଭାରେ କୌଣସି ଦଳ ନିକଟରେ ସରକାର ଗଠନ କରିବାକୁ ଆବଶ୍ୟକ ଥିବା ୧୩୮ ଆସନ ନାହିଁ ।
ଦେଉବାଙ୍କ ନେତୃତ୍ୱରେ ଥିବା ନେପାଳି କଂଗ୍ରେସ(ଏନସି) ୮୯ ଆସନ ସହ ନିର୍ବାଚନରେ ସବୁଠାରୁ ବଡ ଦଳ ଭାବେ ଆଗରେ ରହିଛି । ଏହାପରେ ବିରୋଧି ସିପିଏମ-ୟୁଏମଏଲ ୭୮ ଆସନ ସହ ଓ ପ୍ରଚଣ୍ଡଙ୍କ ନେତୃତ୍ୱରେ ଥିବା ସିପିଏମ୍ ମାଓବାଦୀ ସେଣ୍ଟର ୩୨ ଆସନ ହାତେଇଛନ୍ତି ।