କାଠମାଣ୍ଡୁ,୮।୧୦ : ସ୍ବାସ୍ଥ୍ୟଗତ ସମସ୍ୟା ପରେ ନେପାଳର ରାଷ୍ଟ୍ରପତି ବିଦ୍ୟା ଦେବୀ ଭଣ୍ଡାରୀଙ୍କୁ ଚିକିତ୍ସା ଲାଗି ହସ୍ପିଟାଲରେ ଭର୍ତ୍ତି କରାଯାଇଛି। ସେ କାଠମାଣ୍ଡୁର ମହାରାଜଗଞ୍ଜର ତ୍ରିଭୁବନ ୟୁନିଭରସିଟି ଟିଜିଂ ହସ୍ପିଟାଲରେ ଚିକିତ୍ସିତ ହେଉଛନ୍ତି।
ନ୍ୟୁଜ ଏଜେନ୍ସି ଦ୍ୱାରା ଦିଆଯାଇଥିବା ସୂଚନା ଅନୁଯାୟୀ ରାଷ୍ଟ୍ରପତିଙ୍କ ସଚିବ ଭେଶ ରାଜ ଆଧିକାରୀ କହିଛନ୍ତି ଯେ ସେ କେତେକ ସ୍ବାସ୍ଥ୍ୟଗତ ସମସ୍ୟାର ସମ୍ମୁଖୀନ ହୋଇଛନ୍ତି। ବିଦ୍ୟା ଦେବୀଙ୍କଠାରେ ଫ୍ଲୁ, କାଶ ଏବଂ ଜ୍ୱର ସମସ୍ୟା ପ୍ରକାଶ ପାଇବା ପରେ ତାଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଛି।