ନୂଆଦିଲ୍ଲୀ/ଓ୍ବାଶିଂଟନ,୧୫ା୪: ନ୍ୟୁଜିଲାଣ୍ଡର ଅକଲାଣ୍ଡରେ ଥିବା ପୋଲିସ କର୍ମଚାରୀ ଏକ ଡ୍ରଗ୍ସ ରାକେଟକୁ ଧରିବାରେ ସଫଳ ହୋଇଛି। ଏଥିରେ ବଲତେଜ ସିଂ ନାମକ ଜଣେ ଅଭିଯୁକ୍ତଙ୍କୁ ଗିରଫ କରାଯାଇଛି। ଯିଏକି ସତଓ୍ବନ୍ତ ସିଂଙ୍କ ଭଣଜା। ଯିଏକି ସାଥୀ ଅଙ୍ଗରକ୍ଷୀ ବେଆନ୍ତ ସିଂଙ୍କ ସହ ଅକ୍ଟୋବର ୧୯୮୪ରେ ଭାରତର ପୂବର୍ତତନ ପ୍ରଧାନମନ୍ତ୍ରୀ ଇନ୍ଦିରା ଗାନ୍ଧୀଙ୍କୁ ହତ୍ୟା କରିଥିଲେ।
୧୯୮୪ ଅକ୍ଟୋବର ୩୧ରେ ଇନ୍ଦିରା ଗାନ୍ଧୀଙ୍କୁ ବେଆନ୍ତ ସିଂ ଏବଂ ସତଓ୍ବନ୍ତ ସିଂ ମିଳିତ ଭାବେ ହତ୍ୟା କରିଥିଲେ। ସେଥିମଧ୍ୟରୁ ବେଆନ୍ତଙ୍କୁ ଘଟଣାସ୍ଥଳରେ ହତ୍ୟା କରାଯାଇଥିବା ବେଳେ ସତଓ୍ବନ୍ତ ଏବଂ କେହର ସିଂଙ୍କୁ ୬ ଜାନୁୟାରୀ ୧୯୮୯ରେ ଫାଶୀ ଦିଆଯାଇଥିଲା। କେହର ସିଂ ବେଆନ୍ତଙ୍କ ସମ୍ପର୍କୀୟ ଥିଲେ। ଏହି ଘଟଣାରେ ବଲବୀର ସିଂ ମଧ୍ୟ ଜଡ଼ିତ ଥିଲେ।
ମୃତ୍ୟୁର ଗୋଟିଏ ଦିନ ପୂର୍ବରୁ ଓଡ଼ିଶାରେ ଏକ ସାଧାରଣ ସଭାରେ ସମ୍ବୋଧିତ କରି ଇନ୍ଦିରା କହିଥିଲେ, ମୋର ରକ୍ତର ପ୍ରତ୍ୟେକ ବୁନ୍ଦା ଭାରତର ଏକତାକୁ ଦୃଢ଼ କରିବ।
