ଦାନ କଲେ ପୂଣ୍ୟ ମିଳେ। ଦାନରେ ଭଗବାନ ଖୁସି ହୋଇଥାନ୍ତି। ଦାନ କରୁଥିବା ବ୍ୟକ୍ତିର ଘରେ ସୁଖ ଶାନ୍ତି ସର୍ବଦା ବାସ କରେ ବୋଲି କୁହାଯାଇଥାଏ। ଅସୁବିଧାରେ ପଡ଼ିଥିବା ବ୍ୟକ୍ତିଙ୍କ ସାହାର୍ଯ୍ୟ କଲେ ପୂଣ୍ୟ ମିଳିଥାଏ। ହେଲେ ଦାନ ସର୍ବଦା ଯୋଗ୍ୟ ବ୍ୟକ୍ତିଙ୍କୁ କରିବା ଉଚିତ ବୋଲି କୁହାଯାଇଛି। ଦାନ କରିବା ପୂର୍ବରୁ ଉକ୍ତ ବ୍ୟକ୍ତିର ଆବଶ୍ୟକତା ଜାଣି ନେବା ଉଚିତ। ନଚେତ ଦାନ କରିବାର କୌଣସି ମହତ୍ତ୍ୱ ନ ଥାଏ। ଏହାଛଡ଼ା ସବୁ ଜିନିଷ ଦାନ କରାଯାଏ ନାହିଁ। ଏଭଳି କିଛି ଜିନିଷ ରହିଛି ଯାହାକୁ ଦାନ କଲେ ଖରାପ ହୋଇଥାଏ।
ଯେପରିକି:
– କାହାକୁ ଦାନରେ ଝାଡ଼ୁ ଦିଆଯାଏନାହିଁ। କାରଣ ଛାଞ୍ଚୁଣୀ ଲକ୍ଷ୍ମୀଙ୍କୁ ଘରକୁ ଆଣିଥାଏ। ଏଣୁ ଧନ୍ତେରସ୍ ସମୟରେ ଘରକୁ ଝାଡ଼ୁ କିଣି ଲୋକେ ଆଣିଥାନ୍ତି। ଝାଡ଼ୁ ଧନ ସମୃଦ୍ଧିର କାରକ। ଏଣୁ ଏହାକୁ ଏପରି ସ୍ଥାନରେ ରଖାଯାଏ ,ଯେଉଁଠି ଯିବା ଆସିବା କରୁଥିବା ଲୋକଙ୍କ ନଜର ପଡ଼ିବ ନାହିଁ। ଏଣୁ ଝାଡ଼ୁ ଦାନ କଲେ ଘରର ଲକ୍ଷ୍ମୀ ଚାଲିଯିବ ବୋଲି କୁହାଯାଏ।
-ଲକ୍ଷ୍ମୀ ହେଉଛନ୍ତି ଧନର ଦେବୀ। ଏଣୁ ଲକ୍ଷ୍ମୀଙ୍କ ପ୍ରତିମା/ମୂର୍ତ୍ତି କାହାକୁ ଦାନରେ ଦିଅନ୍ତୁ ନାହିଁ।
-କିଛି ଲୋକ ଲକ୍ଷ୍ମୀ ନଚେତ ଗଣେଷ ଖୋଦିତ ଚାନ୍ଦିର ମୁଦ୍ରା ଦାନ କରିଥାନ୍ତି। ଏପରି କରିବା ମଧ୍ୟ ଉଚିତ ନୁହେଁ ବୋଲି କୁହାଯାଏ।
-ଭୋକିଲା ଲୋକକୁ ଖାଦ୍ୟ ଦାନ କଲେ ପୂଣ୍ୟ ମିଳେ। ହେଲେ କିଛି ଲୋକ ଭୋକିଲା ଲୋକଙ୍କୁ ଦାନରେ ବାସି ତଥା ଅରୂଚିକର ଭୋଜନ ଦେଇଥାନ୍ତି। ଏପରି କରିବା ଦ୍ୱାରା ପୂଣ୍ୟ ମିଳି ନ ଥାଏ। ଏପରିକି ଲକ୍ଷ୍ମୀ ତାଙ୍କ ଉପରେ କୋପ କରିଥାନ୍ତି।
– ଏତଦ୍ବ୍ୟତୀତ ଧାରଯୁକ୍ତ ଜିନିଷ ଦାନରେ ଦେବା ଉଚିତ୍ ନୁହେଁ। ଏପରିକି ନାସ୍ତିକ ବ୍ୟକ୍ତିଙ୍କୁ ଦାନରେ ପୁସ୍ତକ ଦେବା ଉଚିତ ନୁହେଁ। କାରଣ ଏହାକୁ ସେ ନିଜର ଅପମାନ ଭାବି ପାରନ୍ତି। ଏହାଦ୍ୱାରା ପୂଣ୍ୟ ବଦଳରେ ପାପ ବଢ଼ିଥାଏ।