ଭୁବନେଶ୍ୱର,୨୨।୫: ଭାରତୀୟ ଷ୍ଟେଟ ବ୍ୟାଙ୍କ(ଏସ୍ବିଆଇ)ର ନୂତନ ଶାଖା ନିକଟରେ ଖୋର୍ଦ୍ଧା ଜିଲା ନିକଟସ୍ଥ ବେଗୁନିଆ ବ୍ଲକ୍ର ଦେଉଳିଠାରେ ଉଦ୍ଘାଟିତ ହୋଇଯାଇଛି। ଏହି ଅବସରରେ ଏସ୍ବିଆଇ ଭୁବନେଶ୍ବର ମଣ୍ଡଳର ମୁଖ୍ୟ ମହାପ୍ରବନ୍ଧକ ଦିନେଶ ପୃଥୀ ସମ୍ମାନିତ ଅତିଥି ଭାବେ ଯୋଗଦେଇ ଏହାର ଉଦ୍ଘାଟନ କରିଥିଲେ। ଅନ୍ୟମାନଙ୍କ ମଧ୍ୟରେ ଏସ୍ବିଆଇର ମହାପ୍ରବନ୍ଧକ ପୁନମ୍ବଲମ୍ ଏମ୍, ଉପମହାପ୍ରବନ୍ଧକ ପ୍ରଶାନ୍ତ କୁମାର, କ୍ଷେତ୍ରୀୟ ପ୍ରବନ୍ଧକ ନରେନ୍ଦ୍ର କୁମାର ଜେନାଙ୍କ ସମେତ ନୂତନ ଶାଖାର ଶାଖା ପରିଚାଳକ ଅଭିଷେକ ବେହେରା ଓ ଅନ୍ୟମାନେ ଉପସ୍ଥିତ ଥିଲେ। ଉଲ୍ଲେଖଯୋଗ୍ୟ, ଏସ୍ବିଆଇ ଭୁବନେଶ୍ୱର ମଣ୍ତଳର ୮୯୮ ତମ ଶାଖା ନିକଟରେ ଉଦ୍ଘାାଟିତ ହୋଇଯାଇଛି। ଏପରିକି ରାଜ୍ୟରେ ଏସ୍ବିଆଇର ପ୍ରାୟ ୨୮୨୪ ଏଟିଏମ୍, ୫୮୫ଟି ସ୍ବୟଂକ୍ରିୟ ନଗଦ ଜମା ଓ ଉଠାଣ ମେଶିନ ଏବଂ ୬୩୦୦ରୁ ଊର୍ଦ୍ଧ୍ୱ ଗ୍ରାହକ ସେବା କେନ୍ଦ୍ର ଦ୍ୱାରା ବ୍ୟାଙ୍କିଙ୍ଗ୍ ସେବା ରାଜ୍ୟର ଜନସାଧାରଣଙ୍କୁ ଯୋଗାଇ ଦିଆଯାଉଛି।