ନୂଆଦିଲ୍ଲୀ,୧୫।୪: ଦେଶର ପ୍ରମୁଖ ଦୁଇ ଓ ତିନିଚକିଆ ଯାନର ଟାୟାର ବ୍ରାଣ୍ଡ୍ ଟିଭିଏସ୍ ୟୁରୋଗ୍ରିପ୍ର ନୂତନ ଉତ୍ପାଦ ନିକଟରେ ସର୍ବଭାରତୀୟ ଉନ୍ମୋଚିତ ହୋଇଯାଇଛି। ଏହି ପରିପ୍ରେକ୍ଷୀରେ ଆଇପିଏଲ୍ ଟିମ୍ ସିଏସ୍କେ ଅଧିନାୟକ ଏମ୍.ଏସ୍. ଧୋନୀ ଓ ଅନ୍ୟ ସିଏସ୍କେ ଖେଳାଳି ସମ୍ମାନିତ ଅତିଥି ଭାବେ ଯୋଗଦେଇ ଏହାର ଉନ୍ମୋଚନ କରିଥିଲେ। ଏପରିକି ବ୍ରାଣ୍ଡ୍ର ନୂତନ ଉତ୍ପାଦ ଆଡ୍ଭେଞ୍ଚର ଟୁରିଂ ଟାୟାର ଓ ସୁପରବାଇକ୍ ଟାୟାରର ବଜାର ପ୍ରବେଶ ସମ୍ପର୍କରେ ଘୋଷଣା କରାଯାଇଛି। ଏ ସମ୍ପର୍କରେ ଟିଭିଏସ୍ ଶ୍ରୀଚକ୍ର ଲିମିଟେଡ୍ର ଇଭିପି (ସେଲ୍ସ ଆଣ୍ଡ ମାର୍କେଟିଂ) ପି.ମାଧବନ କହିଛନ୍ତି, ଆଡ୍ଭେଞ୍ଚର ଟୁରିଂ ଓ ସୁପରବାଇକ୍ ଟାୟାରର ଶୁଭାରମ୍ଭ କରିବା ଆମ ପାଇଁ ଏକ ବୃହତ୍ ମାଇଲଖୁଣ୍ଟ। ଏହା ସହିତ ଆମେ ଆମର ଉପତ୍ାଦର ସମ୍ଭାରକୁ ଆହୁରି ଅଧିକ ବ୍ୟାପକ କରିପାରିଛୁ, ଯେଉଁଥିରେ ବ୍ୟାପକ ଶ୍ରେଣୀୟ ଉପତ୍ାଦ ପ୍ରଦାନ କରାଯାଉଛି। ଏପରିକି ଆମେ ଏହାକୁ ଆମର ବିଜ୍ନେସ୍ ପାର୍ଟନର ଓ ସିଏସ୍କେ ଷ୍ଟାର୍ଙ୍କ ଉପସ୍ଥିତିରେ କରିପାରିଥିବାରୁ ଅତ୍ୟନ୍ତ ଆନନ୍ଦିତ। ସେହିଭଳି ଏଭଳି ଏକ ଉଚ୍ଚ କାର୍ଯ୍ୟ ଦକ୍ଷତାସମ୍ପନ୍ନ ଉପତ୍ାଦଗୁଡ଼ିକ ୟୁରୋପ ବଜାରରେ ଡିଜାଇନ କରାଯାଇଛି ଓ ଏହାକୁ ଭାରତୀୟ ରାସ୍ତାର ଅବସ୍ଥା ଅନୁସାରେ ପ୍ରସ୍ତୁତ କରାଯାଇଛି। ଏଥିମଧ୍ୟରୁ ଅଧିକାଂଶ ଉପତ୍ାଦ ଅନ୍ତର୍ଜାତୀୟ ଭାବେ ଶୁଭାରମ୍ଭ କରାଯାଇଛି ଓ ଆମର ଏହି ଉପତ୍ାଦ ସମ୍ପର୍କରେ ଗ୍ରାହକମାନଙ୍କଠାରୁ ସକାରାତ୍ମକ ମତାମତ ଗ୍ରହଣ କରିଛୁ। ତେଣୁ ଏହି ଉପତ୍ାଦକୁ ଆମେ ଭାରତୀୟ ବଜାରକୁ ଆଣି ପାରିଥିବାରୁ ଅତ୍ୟନ୍ତ ଆନନ୍ଦ ଅନୁଭବ କରୁଛୁ। ଉକ୍ତ କାର୍ଯ୍ୟକ୍ରମରେ ବ୍ରାଣ୍ଡ୍ର ବିଜ୍ନେସ୍ ପାର୍ଟନର ଓ ପ୍ରମୁଖ ଗ୍ରାହକମାନେ ମଧ୍ୟ ଉପସ୍ଥିତ ଥିଲେ।