ବଲାଙ୍ଗୀର,୧୯।୨: ଦେଶର ପ୍ରମୁଖ ଅଟୋ ଶିଳ୍ପ ମହିନ୍ଦ୍ରା ଆଣ୍ଡ ମହିନ୍ଦ୍ରାର ମଲ୍ଟି ବ୍ରାଣ୍ଡ ୟୁଜ୍ଡ (ବ୍ୟବହାର) କାର୍ ଡିଭିଜନ, ମହିନ୍ଦ୍ରା ଫାଷ୍ଟ ଚଏସ୍ର ନୂତନ ଆଉଟ୍ଲେଟ ଗୁରୁବାର ବଲାଙ୍ଗୀର ଠାରେ ଶୁଭାରମ୍ଭ କରାଯାଇଛି। କମ୍ପାନୀର ସ୍ବୀକୃତିପ୍ରାପ୍ତ ‘ମିନର୍ଭା ଅଟୋମୋବାଇଲ୍ସ’ ସହାୟତାରେ ଏହି ନୂତନ ଶୋ’ରୁମ୍ ଉଦ୍ଘାଟିତ ହୋଇଯାଇଛି। ଏହି ଅବସରରେ ମିନର୍ଭା ପରିବାରର ମୁଖ୍ୟ ପରେଶ ମେହେର ଏହାର ଉଦ୍ଘାଟନ କରିଥିଲେ। ଅନ୍ୟମାନଙ୍କ ମଧ୍ୟରେ ମିନର୍ଭା ଅଟୋମୋବାଇଲ୍ସର ନିର୍ଦ୍ଦେଶକ ବ୍ରିଜେଶ ମେହେର ଏବଂ ଅନିମେଶ ମେହେର ପ୍ରମୁଖ ଉପସ୍ଥିତ ଥିଲେ। ଏଠାରେ ସମସ୍ତ ବ୍ରାଣ୍ଡର ୪ଚକିଆ ଯାନର କ୍ରୟବିକ୍ରୟ ସାଙ୍ଗକୁ ବୀମା ଓ ଆର୍ଟିଓ ସମ୍ପର୍କିତ ବିଭିନ୍ନ ସୁବିଧା ଗ୍ରାହକଙ୍କୁ ଯୋଗାଇ ଦିଆଯାଉଛି। ସେହିଭଳି ଏଠାରେ ମହିନ୍ଦ୍ରାର ସାର୍ଟିଫାଏଡ୍ ଗାଡ଼ିଗୁଡିକୁ ଓ୍ବାରେଣ୍ଟି ସହ ବିକ୍ରି କରାଯାଇଥାଏ ବୋଲି ଶୋ’ରୁମ୍ ପକ୍ଷରୁ ସୂଚନା ଦିଆଯାଇଛି।