ଏବେ ହାଇଟେକ୍ ଯୁଗ। ଦିନକୁ ଦିନ ବିଭିନ୍ନ କ୍ଷେତ୍ରରେ ନୂଆ ନୂଆ ଜିନିଷ ଉଦ୍ଭାବନ ହେଉଛି। ନିକଟରେ ୟୁନିଭର୍ସିଟି ଅଫ ସିଡ୍ନୀର ବିଶେଷଜ୍ଞମାନେ ଏକ ନୂଆ ସଫ୍ଟଓ୍ବେର ଉଦ୍ଭାବନ କରିଛନ୍ତି। ଏହାଦ୍ୱାରା ହାତ ଲେଖାକୁ ଅବିକଳ ଭାବରେ ନକଲ କରାଯାଇପାରିବ ବୋଲି ସେମାନେ ଦୃଢ଼ୋକ୍ତି ବ୍ୟକ୍ତ କରିଛନ୍ତି। କେବଳ ସେତିକି ନୁହେଁ, ପରୀକ୍ଷାମୂଳକ ଭାବରେ ଏଥିରୁ ସଫଳତା ମିଳିଛି ବୋଲି ପ୍ରକାଶିତ ରିପୋର୍ଟରେ ଉଲ୍ଲେଖ କରାଯାଇଛି। ନୂତନ ଉଦ୍ଭାବିତ ସଫଓ୍ବେର ପ୍ରଥମେ ସଂପୃକ୍ତ ବ୍ୟକ୍ତିଙ୍କର ହାତ ଲେଖାକୁ ଭଲ ଭାବରେ ଅନୁଧ୍ୟାନ କରିଥାଏ। ତା’ପରେ ତାହାକୁ ଅନୁକରଣ କରି ଅବିକଳ ଲେଖିଥାଏ। ଏପରି କି ଐତିହାସିକ ଲେଖାକୁ ମଧ୍ୟ ଅନୁକରଣ କରାଯାଇ ଠିକ୍ ସେହିପରି ଲେଖାଯାଇପାରିବ ବୋଲି ରିପୋର୍ଟରୁ ଜଣାପଡ଼ିଛି।