ମୁମ୍ବାଇ: ‘ଗଙ୍ଗୁବାଇ କାଠିୟାୱାଡି’ମୁଭିର ଦ୍ୱିତୀୟ ଗୀତ ଜବ ସଇୟାଁ ରିଲିଜ ହୋଇଯାଇଛି । ଗୀତଟି ଶ୍ରୁତି ମଧୁର ହୋଇଥିବା ବେଳେ ‘ଢୋଲିଡା’ରେ ଗରବା କରୁଥିବା ବେଳେ ଆଲିଆ ଭଟ୍ଟ ଆଖିରେ ଆଖିରେ ପ୍ରେମର ଇସାରା କରୁଛନ୍ତି । ଏହା ରିଲିଜ୍ ହେବା ପରେ ପରେ ଶ୍ରୋତା ତଥା ଦର୍ଶକ ଗୁଣୁଗୁଣେଇବା ଆରମ୍ଭ କରିଦେଇଛନ୍ତି । ଏହି ଗୀତରୁ ଗୋଟିଏ କଥା ସ୍ପଷ୍ଟ ହୋଇଛି ଯେ ଦେହଜୀବୀ ଭଳି ଦଲଦଲରେ ଫସିଥିବା ଗଙ୍ଗୁବାଇ କାଠିୟାୱାଡି ପୁଣିଥରେ ପ୍ରେମ କରିପାରେ । ଆଉ ସେ ଯେବେ ପ୍ରେମରେ ପାଗଳ ହୋଇଥାଏ ସେତେବେଳେ ତା’ର ଆଖି କାମ କରିଥାଏ । ଶ୍ରେୟା ଘୋଷାଲଙ୍କ କଣ୍ଠରେ ଗୀତଟି ଖୁବ୍ ଶ୍ରୁତି ମଧୁର ହାଇଛି । ଗୋଟିଏ ଦିନ ପୂର୍ବରୁ ଆଲିଆ ଏହାର ଏକ ଝଲକ ଶେୟାର କରିଥିଲେ । ଏହି ଗୀତରେ ଆଲିଆଙ୍କ ସହ ଶାନ୍ତନୁ ମାହେଶ୍ୱରୀ ଅଛନ୍ତି, ଯିଏ ଜଣେ ଦର୍ଜି ଭୂମିକାରେ ନଜର ଆସିବେ ।