ଭୁବନେଶ୍ୱର,୯।୯:ଦେଶର ପ୍ରମୁଖ ବୀମା କମ୍ପାନୀ ନ୍ୟୁ ଇଣ୍ଡିଆ ଆସ୍ୟୁରାନ୍ସର ଭୁବନେଶ୍ୱର କ୍ଷେତ୍ରୀୟ କାର୍ଯ୍ୟାଳୟର ଉପ ମହାପ୍ରବନ୍ଧକ ଭାବେ ସଦାନନ୍ଦ ମହାନ୍ତି ଯୋଗ ଦେଇଛନ୍ତି। ଏହା ପୂର୍ବରୁ ମହାନ୍ତି ମୁମ୍ବାଇସ୍ଥିତ ମୁଖ୍ୟ କାର୍ଯ୍ୟାଳୟରେ ଉପ ମହାପ୍ରବନ୍ଧକଭାବେ କାର୍ଯ୍ୟ କରୁଥିଲେ। ୧୯୯୧ରେ ମହାନ୍ତି ନ୍ୟୁ ଇଣ୍ଡିଆର ପ୍ରଶାସନିକ ଅଧିକାରୀ ଭାବେ ପୁଣେସ୍ଥିତ ସାଙ୍ଗ୍ଲିଠାରେ ଯୋଗଦେଇଥିଲେ। ବଲାଙ୍ଗୀର ଜିଲାରୁ ଆସିଥିବା ମହାନ୍ତି ଜଣେ ଦକ୍ଷ ପ୍ରଶାସକ ଭାବେ କମ୍ପାନୀର ଭୁବନେଶ୍ୱର, ବଲାଙ୍ଗୀର, ଚୌଦ୍ୱାର ଏବଂ ମୁଖ୍ୟ କାର୍ଯ୍ୟାଳୟ ଠାରେ ବିଭିନ୍ନ ପଦପଦବୀରେ ଯୋଗଦେଇ ସଫଳତାର ସହ କାର୍ଯ୍ୟ ସମ୍ପନ୍ନ କରିଛନ୍ତି। ଏହି ପରିପ୍ରେକ୍ଷୀରେ ମହାନ୍ତି ଭୁବନେଶ୍ୱର କ୍ଷେତ୍ରକୁ ବ୍ୟବସାୟିକ ଦୃଷ୍ଟିକୋଣରୁ ଏକ ଅଗ୍ରଣୀ କ୍ଷେତ୍ର ରୂପେ ଗଢ଼ି ତୋଳିବା ସହ ସ୍ବାସ୍ଥ୍ୟବୀମାକୁ ଗ୍ରାମାଞ୍ଚଳର ଲୋକମାନଙ୍କ ପାଖରେ ପହଞ୍ଚାଇବା ଉପରେ ଗୁରୁତ୍ୱ ଦେବେ ବୋଲି ମତ ପ୍ରକାଶ କରିଛନ୍ତି।
