ନୂଆଦିଲ୍ଲୀ,୨୨।୬: ବଡି କେୟାର ଇଣ୍ଟରନ୍ୟାଶନାଲ ଲିମିଟେଡ୍ର ଅଗ୍ରଣୀ କ୍ଲଥିଂ ଲାଇନ ବଡି କେୟାର କିଡ୍ସର ନୂତନ ସମୟ କଲେକ୍ସନ ନିକଟରେ ଉନ୍ମୋଚିତ ହୋଇଯାଇଛି। ଚଳିତ ବର୍ଷର ଗ୍ରୀଷ୍ମଋତୁ ବା ଖରାଦିନ ପାଇଁ ଛୋଟପିଲାମାନଙ୍କର ଏକ ବିସ୍ତୃତ ରେଞ୍ଜର ନୂଆ ସାମଗ୍ରୀକୁ ବଜାର ପ୍ରବେଶ କରାଇଛି। ବିଶେଷକରି ଉକ୍ତ ସାମଗ୍ରୀଗୁଡିକ ଖରାଦିନେ ପିଲାମାନଙ୍କୁ ପନ୍ଧିବାକୁ ବହୁତ ଆରାମ ପ୍ରଦାନ କରିବ। ଏପରିକି ପୂର୍ବ ସଂଗ୍ରହଠାରୁ ଏହା ଭିନ୍ନ ସମ୍ପୂର୍ଣ୍ଣ ଓ ଏକ ବିସ୍ତୃତ ଖରାଦିନିଆ ପୋଷାକ ସାମଗ୍ରୀ ସହ ବିଭିନ୍ନ ରଙ୍ଗ, ପ୍ରିଣ୍ଟ ଓ ତାଜା ଡିଜାଇନରେ ପ୍ରସ୍ତୁତ ହୋଇଛି। ଏହା ୪୫୦ରୁ ଅଧିକ ବିତରକଙ୍କ ସହ ୧୯୦୦୦ରୁ ଅଧିକ ଷ୍ଟୋରରେ ଏବଂ ସାରା ଭାରତରେ ୨୦ରୁ ଅଧିକ ସ୍ବତନ୍ତ୍ର ବ୍ରାଣ୍ଡ୍ ଆଉଟ୍ଲେଟ୍ରେ ଉପଲବ୍ଧ। ଉଲ୍ଲେଖଯୋଗ୍ୟ, ଉକ୍ତ ସଂଗ୍ରହରେ ପେପା ପିଗ୍, ବେବି ସାର୍କ, ଡିଜନି, ହେଲୋ କିଟ୍, କାର୍ଟୁନ ନେଟ୍ୱର୍କ ଭଳି ବିଭିନ୍ନ ଚିତ୍ର ଥିବା ଟି-ଶାର୍ଟ ଅନ୍ତର୍ଭୁକ୍ତ ରହିଛି। ଏହା ବ୍ୟତୀତ ନୂଆ ଖରାଦିନିଆ ଥିମ୍ ଯଥା ସମୁଦ୍ର କୂଳ, ଜୀବନ୍ତ ପୁଷ୍ପ, ଆକର୍ଷଣୀୟ ପଶୁମାନଙ୍କ ଗ୍ରାଫିକ ମଧ୍ୟ ରହିଛି। ଏହା ବ୍ୟତୀତ ଆଇସ୍ କ୍ରିମ୍ କୋନ୍, ସର୍ଫ ବୋର୍ଡ ଓ ସୂର୍ଯ୍ୟକିରଣ ଦ୍ୱାରା ଅନୁପ୍ରାଣିତ ଉପାଦାନଗୁଡ଼ିକ ପିଲାଙ୍କ ହୃଦୟକୁ ଛୁଇଁପାରିବ। ଏ ସମ୍ପର୍କରେ ବଡି କେୟାର ଇଣ୍ଟରନ୍ୟାଶନାଲ ଲିମିଟେଡ୍ର ନିର୍ଦ୍ଦେଶକ ମିଥୁନ ଗୁପ୍ତା କହିଛନ୍ତି, ବଡି କେୟାର କିଡ୍ସର ଏକ ନୂଆ ରୋମାଞ୍ଚକର ଯୋଗ ଆରମ୍ଭ କରିଛି, ଯାହା ଡେନିମ ଓ କ୍ରୀଡ଼ା ପୋଷାକ ଭାବେ ଉପଲବ୍ଧ। ଏହାର ଡେନିମ ସଂଗ୍ରହରେ ଷ୍ଟାଇଲିଶ ଓ ଟ୍ରେଣ୍ଡି ଡିଜାଇନ ବୈଶିଷ୍ଟ୍ୟ ଥିବାବେଳେ କ୍ରୀଡ଼ା ପୋଷାକ ସଂଗହ ସକ୍ରିୟ ଜୀବନଶୈଳୀକୁ ଆକର୍ଷିତ କରିଥାଏ। ବିଶେଷକରି ପିଲାମାନଙ୍କ ପାଇଁ ଆରାମଦାୟକ ଆଥ୍ଲେଟିକ ପୋଷାକ ରହିଛି ଓ ସେମାନଙ୍କ ପାଇଁ ଫ୍ୟାଶନର ସର୍ବଶେଷ ଧାରା ବଜାୟ ରଖିବା ପାଇଁ ବ୍ରାଣ୍ଡ୍ର ପ୍ରତବିଦ୍ଧତାକୁ ପ୍ରତିଫଳିତ କରିଛି।