କୋକସରା,୨।୮(ଡି.ଏନ୍.ଏ.): କଳାହାଣ୍ଡି ଜିଲା କୋକସରା ତହସିଲ କାର୍ଯ୍ୟାଳୟରେ ଯୋଗଦେଲେ ନୂତନ ତହସିଲଦାର। ପୂର୍ବରୁ ଥିବା ତହସିଲଦାର ମନୋଜ ପାଢ଼ୀଙ୍କୁ ଫୁଲବାଣୀ ଜିଲା ଟିକାବାଲି ବିଡିଓ ଭାବେ ବଦଳି କରାଯିବାପରେ ତାଙ୍କ ସ୍ଥାନରେ ନୂତନ ତହସିଲଦାର ଭାବେ ରାକେଶ ପରୁଆ କାର୍ଯ୍ୟଭାର ଗ୍ରହଣ କରିଛନ୍ତି। ତେବେ କୋକସରା ତହସିଲ ଅଧୀନରେ ଆସୁଥିବା ବିଭିନ୍ନ ରାଜସ୍ବ ସର୍କଲ ଜନସାଧାରଣଙ୍କୁ ଉତ୍ତମ ସେବା ସହ ଯେକୌଣସି ସମୟରେ ଯାହା ସହାୟତା ତହସିଲ ପକ୍ଷରୁ ମିଳିବା କଥା ତାହା ହିତାଧିକାରୀଙ୍କୁ ଦିଆଯିବ ବୋଲି ସେ କହିବା ସହ ଜନସାଧାରଣଙ୍କ ସହଯୋଗ କାମନା ମଧ୍ୟ କରିଛନ୍ତି।