ଭୁବନେଶ୍ୱର,୯।୪: ରୁଙ୍ଗ୍ଟା ମାଇନ୍ସ ଲିମିଟେଡ୍ର ପ୍ରମୁଖ ଟିଏମ୍ଟି ବାର୍ ଓ ସମନ୍ବିତ ଇସ୍ପାତ ଉପତ୍ାଦ ନିର୍ମାତା ରୁଙ୍ଗ୍ଟା ଷ୍ଟିଲ୍ର ନ୍ୟୁ ଟିଏମ୍ଟି ଷ୍ଟିଲ୍ ବାର୍ କାରଖାନା ସ୍ଥାପନ ସମ୍ପର୍କରେ ଘୋଷଣା କରାଯାଇଛି। ଏପରିକି ଓଡ଼ିଶାର ଢେଙ୍କାନାଳସ୍ଥିତ କମ୍ପାନୀର ନୂତନ କାରଖାନା କାର୍ଯ୍ୟକ୍ଷମ ହୋଇଥିବା ଜଣାପଡ଼ିଛି। ଏହି ଅତ୍ୟାଧୁନିକ କାରଖାନାରେ ରୁଙ୍ଗ୍ଟା ମାଇନ୍ସର ପ୍ରମୁଖ ଉପତ୍ାଦ ଷ୍ଟିଲ୍ ଟିଏମ୍ଟି ବାର୍ର ପ୍ରକ୍ରିୟାକରଣ କରାଯିବ। ଏହି କାରଖାନା କାର୍ଯ୍ୟକ୍ଷମ ହେବା ରୁଙ୍ଗ୍ଟା ଷ୍ଟିଲ୍ ପାଇଁ ଏକ ଗୁରୁତ୍ୱପୂର୍ଣ୍ଣ ମାଇଲଖୁଣ୍ଟ ପାଲଟିଛି। କାରଣ କମ୍ପାନୀ ଛତିଶଗଡ଼, ଓଡ଼ିଶା, ଆନ୍ଧ୍ରପ୍ରଦେଶ, ତେଲଙ୍ଗାନା, ଗୁଜରାଟ ଓ ମଧ୍ୟପ୍ରଦେଶ ବଜାରରେ ଗ୍ରାହକଙ୍କ ଆବଶ୍ୟକତା ପୂରଣ କରିବା ସହ ଉଚ୍ଚମାନର ଷ୍ଟିଲ୍ ଟିଏମ୍ଟି ବାର୍ ଉପତ୍ାଦନ କରିବା ଲାଗି କମ୍ପାନୀର କ୍ଷମତାକୁ ମଧ୍ୟ ନୂତନ କାରଖାନା ବଢ଼ାଇବ ବୋଲି ଆକଳନ କରାଯାଉଛି। ବିଶେଷକରି କମ୍ପାନୀର ସମ୍ପ୍ରସାରିତ ଭାରତୀୟ ବଜାରରେ ଗୁଣାତ୍ମକ ଇସ୍ପାତ ଚାହିଦା ପୂରଣ କରିବାରେ ବେଶ୍ ସହାୟକ ହେବ। ଏ ସମ୍ପର୍କରେ ରୁଙ୍ଗ୍ଟା ଷ୍ଟିଲ୍ର ବରିଷ୍ଠ ମହାପ୍ରବନ୍ଧକ ଏବଂ ବିକ୍ରି ଓ ମାର୍କେଟିଂ ମୁଖ୍ୟ(ଟିଏମ୍ଟି) ଅରବିନ୍ଦ କୁମାର କହିଛନ୍ତି, ଅତ୍ୟନ୍ତ ଖୁସିର ସହ ଆମେ ଢେଙ୍କାନାଳ ଠାରେ ନୂତନ କାରଖାନା କାର୍ଯ୍ୟକ୍ଷମ କରାଇଥିବା ବିଷୟରେ ଘୋଷଣା କରୁଛୁ।
