ନୂଆଦିଲ୍ଲୀ,୨୪ା୯: ଦେଶର ପ୍ରମୁଖ ୨ ଓ ୩ ଚକିଆ ଯାନ ନିର୍ମାତା ଟିଭିଏସ୍ ମୋଟର କମ୍ପାନୀ ପକ୍ଷରୁ ନୂଆ ଟିଭିଏସ୍ ଜୁପିଟର କ୍ଲାସିକ୍ର ଉନ୍ମୋଚନ କରାଯାଇଛି। ଏ ସମ୍ପର୍କରେ ଟିଭିଏସ୍ ମୋଟର କମ୍ପାନୀର ବରିଷ୍ଠ ଉପସଭାପତି (ମାର୍କେଟିଂ) ଅନିରୁଦ୍ଧ ହାଲ୍ଦାର କହିଛନ୍ତି, ନୂଆ ଟିଭିଏସ୍ ଜୁପିଟର କ୍ଲାସିକ୍ ପ୍ରିମିୟମ କ୍ଲାସିକ୍କୁ ସମସାମୟିକ କରିପାରିଛି। ବିଶେଷକରି ଏହା ଉପରେ ନିୟୁତାଧିକ ଗ୍ରାହକ ପ୍ରକଟ କରିଥିବା ଅତୁଳନୀୟ ଭରସା ଓ ଭଲ ପାଇବା ଯୋଗୁ ଏଭଳି ଏକ ଲକ୍ଷ୍ୟ ହାସଲ ହୋଇପାରିଛି। ଟିଭିଏସ୍ ଜୁପିଟର କ୍ଲାସିକ୍ ସହ ଆମେ ଟିଭିଏସ୍ ଜୁପିଟରର ବ୍ରାଣ୍ଡ୍ ପ୍ରତିଶ୍ରୁତି ଜ୍ୟାଦା କା ଫାୟଦାକୁ ନିରନ୍ତର ଭାବେ ପ୍ରଦାନ କରିବାର ପ୍ରତିଶ୍ରୁତିକୁ ଦୋହରାଉଛୁ। ଅପରପକ୍ଷରେ ଟିଭିଏସ୍ ଜୁପିଟର ଦ୍ରୁତତମ ୫ନିୟୁତ ଗାଡ଼ି ବିକ୍ରି ମାଇଲଖୁଣ୍ଟ ହାସଲ କରିଛି। ଏହି ପରିପ୍ରେକ୍ଷୀରେ କମ୍ପାନୀ ପକ୍ଷରୁ ଏକ ଉତ୍ସବ ସଂସ୍କରଣ (ସେଲିବ୍ରେଟୋରି ଏଡିସନ୍)ର ଶୁଭାରମ୍ଭ କରାଯାଇଛି। ବିଶେଷକରି ଏଥିରେ ହ୍ୟାଣ୍ଡେଲ୍ ବାର୍ ସହ ହୀରା ଭଳି କଟାହୋଇଥିବା ଆଲୟ ହ୍ବିଲ୍ ଓ ଗାଢ଼ ଧୂସର ରଙ୍ଗର ଇନର ପ୍ୟାନେଲ ମଧ୍ୟ ରହିଛି। ସେହିଭଳି ମିରର ହାଇଲାଇଟ୍ରେ କଳା ଥିମ୍, ଫେଣ୍ଡର ଗାର୍ନିସ୍, ଟିଣ୍ଟେଡ୍ ଭାଇଜର ଏବଂ ୩ଡି କଳା ରଙ୍ଗର ପ୍ରିମିୟମ୍ ଲୋଗୋ ସହ ପ୍ରିମିୟମ ସିଟର ବ୍ୟବହାର କରାଯାଇଛି। ଏହାର ଡେକାଲ୍ ଅସିମ କ୍ଲାସିକ୍ର ରୋମାଞ୍ଚ ପ୍ରଦାନ କରୁଛି। ଏହି ଭାରିଆଣ୍ଟ ୨ଟି ସ୍ବତନ୍ତ୍ର ରଙ୍ଗ ଯଥା ମିଷ୍ଟିକ୍ ଗ୍ରେ ଓ ରେଗାଲ୍ ପର୍ପଲରେ ଉପଲବ୍ଧ ରହିଛି। ଜ୍ୟାଦା କା ଫାୟଦାର ଦର୍ଶନ ଅନୁସାରେ ଏହି ଭାରିଆଣ୍ଟରେ ରହିଛି ଡିସ୍କ ବ୍ରେକ୍ ଓ ଇଞ୍ଜନ୍ କିଲ୍ ସ୍ବିଚ୍ ଭଳି ଅଧିକ ସୁରକ୍ଷା ବ୍ୟବସ୍ଥା ଏବଂ ଅଧିକ ସୁବିଧା ଲାଗି ଅଲ୍-ଇନ୍-ୱାନ୍ ଲକ୍, ୟୁଏସ୍ବି ଚାର୍ଜର ଓ ପିଲିଅନ୍ ବ୍ୟାକ୍ ରେଷ୍ଟ ଏବଂ ନୂଆ ସ୍ପିଡୋମିଟର ଟାଏଲ୍ ଆର୍ଟ, ଲୋ ଫ୍ରିକ୍ସନ୍ ୧୧୦ ସିସି ଇଞ୍ଜିନ ଯାହା ଶକ୍ତି, ଉତ୍କୃଷ୍ଟ ତ୍ୱରଣ ଏବଂ ଶ୍ରେଷ୍ଠ ମାନର ଇନ୍ଧନ ମିତବ୍ୟୟିତା ପ୍ରଦାନ କରୁଛି। ଏହାର (ଟିଭିଏସ୍ ଜୁପିଟର କ୍ଲାସିକ୍) ଡିସ୍କ ବ୍ରେକ୍ ଭାରିଆଣ୍ଟ ମୂଲ୍ୟ (ଏକ୍ସ ଶୋ’ରୁମ୍, ଦିଲ୍ଲୀ) ୮୫,୮୬୬ ଟଙ୍କା ରହିଛି।
