ମୁମ୍ବାଇ,୧୭।୧୦ : ମହାରାଷ୍ଟ୍ରର ଅନ୍ଧେରି ଉପ-ନିର୍ବାଚନରେ ନୂଆ ମୋଡ଼ ଆସିଛି। ନଭେମ୍ବର ୩ରେ ମୁମ୍ବାଇର ଉପକଣ୍ଠ ଅନ୍ଧେରିର ପୂର୍ବ ବିଧାନସଭା ଆସନରେ ଉପ-ମତଦାନ ଅନୁଷ୍ଠିତ ହେବାକୁ ଯାଉଛି। ଉଭୟ ମୁଖ୍ୟମନ୍ତ୍ରୀ ଏକନାଥ ଶିନ୍ଦେ ଏବଂ ଉଦ୍ଧବ ଠାକରେଇ ଦଳ ପାଇଁ ଏହି ସିଟ ସମ୍ମାନର ପ୍ରଶ୍ନ। ଏହି ସମୟରେ, ଶିନ୍ଦେଙ୍କ ଦଳର ଜଣେ ବିଧାୟକ ଠାକରେ ଦଳ ପ୍ରାର୍ଥୀ ଋତୁଜା ଲଟକେଙ୍କୁ ସମର୍ଥନ କରିଛନ୍ତି। କେବଳ ଏତିକି ନୁହେଁ, ଋତୁଜାଙ୍କୁ ନିର୍ବିରୋଧ ଜିତାଇବାକୁ ସେ ଅପିଲ କରିଛନ୍ତି।
ଉଦ୍ଧବ ବାଲାସାହେବ ଠାକରେ ଦଳ ପକ୍ଷରୁ ଋତୁଜାଙ୍କୁ ଆନ୍ଧେରି ପୂର୍ବ ବିଧାନସଭା ଆସନ ଉପ-ନିର୍ବାଚନ ପାଇଁ ପ୍ରାର୍ଥୀ କରାଯାଇଛି। ସେ ସ୍ବର୍ଗତ ଶିବସେନା ବିଧାୟକ ରମେଶ ଲଟକେଙ୍କ ସ୍ତ୍ରୀ।
ଋତୁଜା କହିଛନ୍ତି ଯେ ତାଙ୍କ ସ୍ବାମୀ ରମେଶ ଉଦ୍ଧବ ଠାକରେଙ୍କ ପ୍ରତି ବିଶ୍ୱସ୍ତ ଥିଲେ। ସେ ମଧ୍ୟ ସ୍ବାମୀଙ୍କ ପଦାନୁସରଣ କରିବେ।
ଦଳର ବିଧାୟକଙ୍କ ଏଭଳି ମନ୍ତବ୍ୟ ନେଇ ଶିନ୍ଦେ ଏବଂ ମହାରାଷ୍ଟ୍ର ଉପମୁଖ୍ୟମନ୍ତ୍ରୀ ଦେବେନ୍ଦ୍ର ଫଡନାଭିସଙ୍କ ଚିନ୍ତା ବଢ଼ିବାରେ ଲାଗିଛି।
