ନୂଆଦିଲ୍ଲୀ,୩୦।୧୧ : ଅଭିଯୁକ୍ତ ଆଫତାବ ପୁନାଓ୍ବାଲ ଶ୍ରଦ୍ଧା ଓ୍ବାକରଙ୍କୁ ହତ୍ୟା କରିଛନ୍ତି ବୋଲି ପ୍ରମାଣ କରିବାକୁ ଦିଲ୍ଲୀ ପୋଲିସ ପାଖରେ ଏପର୍ଯ୍ୟନ୍ତ କୌଣସି ପ୍ରମାଣ ନାହିଁ। ନିଜକୁ ହାଇ-ଟେକ ବୋଲି କହୁଥିବା ଦିଲ୍ଲୀ ପୋଲିସ ବର୍ତ୍ତମାନ ପ୍ରମାଣ ସଂଗ୍ରହରେ ନିୟୋଜିତ ଅଛି। ନିଖୋଜ ରିପୋର୍ଟ, ହାଡ ଖଣ୍ଡ, ମୋବାଇଲ, ଛୁରୀ, ଟାଇଲରୁ ରକ୍ତ ଦାଗ ଏବଂ ଅନଲାଇନ ସାମଗ୍ରୀ ଅର୍ଡର କରିବା ଭଳି ପୋଲିସ ଏପର୍ଯ୍ୟନ୍ତ ପ୍ରମାଣ ପାଇଛି, କିନ୍ତୁ ଅଭିଯୁକ୍ତ ଶ୍ରଦ୍ଧାଙ୍କୁ ହତ୍ୟା କରିଥିବା ଏହି ପ୍ରମାଣରୁ ଏହା କୁହାଯାଇପାରିବ ନାହିଁ।
ପଲିଗ୍ରାଫି ପରୀକ୍ଷା ଏବଂ ନାର୍କୋ ମଧ୍ୟ ପ୍ରମାଣ କରିବ ନାହିଁ ଯେ ଆଫତାବ ଶ୍ରଦ୍ଧାଙ୍କୁ ହତ୍ୟା କରିଛନ୍ତି। ପୋଲିସ କିଛି ଗୁରୁତ୍ୱପୂର୍ଣ୍ଣ ପ୍ରମାଣ ସଂଗ୍ରହର ସୂଚନା ପାଇପାରିବ ବୋଲି ପଲିଗ୍ରାଫି ପରୀକ୍ଷା ଏବଂ ନାର୍କୋ ପରୀକ୍ଷା କରୁଛି। ସୂଚନା ପାଇବା ପାଇଁ ପୋଲିସ ଦିନରାତି କାର୍ଯ୍ୟ କରୁଛି। ଅଭିଯୁକ୍ତ ଆଫତାବ ଆରମ୍ଭରୁ କହିଆସୁଛନ୍ତିି ଯେ ଶ୍ରଦ୍ଧା ତାଙ୍କୁ ଛାଡି ଚାଲିଯାଇଥିଲେ।