ନୂଆଦିଲ୍ଲୀ,୨୪।୫: ଆଇପିଏଲ ୨୦୨୪ରେ ଚେନ୍ନାଇ ସୁପର କିଙ୍ଗ୍ସ (CSK) ର ଯାତ୍ରା ଶେଷ ହୋଇଛି । ସିଏସକେକୁ ସେମାନଙ୍କର ଶେଷ ଲିଗ ମ୍ୟାଚରେ ଆରସିବି ହାତରେ ପରାଜୟର ସମ୍ମୁଖୀନ ହେବାକୁ ପଡିଲା। ଏହି ମ୍ୟାଚରେ ବିଜୟ ସହିତ ଆରସିବି ଦଳ ପ୍ଲେ ଅଫ ପାଇଁ ଟିକେଟ ପାଇଲା।
ଏଥି ସହିତ ମ୍ୟାଚରେ ପରାଜୟ ପରେ ଏମଏସ ଧୋନିଙ୍କ ଅବସର ନେଇ ଆଲୋଚନା ଜୋର ଧରିଥିଲା। ଏହା ଧୋନିଙ୍କର ଶେଷ ଆଇପିଏଲ ସିଜନ ବାଲି ବିଶ୍ୱାସ କରାଯାଉଥିଲା, କିନ୍ତୁ ଏହି ସମୟରେ ସିଏସକେ ସିଇଓ କାଶୀ ବିଶ୍ୱନାଥ ଧୋନିଙ୍କ ଭବିଷ୍ୟତ ଯୋଜନାକୁ ନେଇ ବଡ ଅପଡେଟ ଦେଇଛନ୍ତି।
ସୂଚନାଯୋଗ୍ୟ, ଆଇପିଏଲ ର ୧୭ତମ ସିଜନ ଆରମ୍ଭ ପୂର୍ବରୁ, ଏମ.ଏସ ଧୋନି ସିଏସକେର ଅଧିନାୟକତ୍ୱ ଛାଡିଥିଲେ। ତାଙ୍କ ସ୍ଥାନରେ ରୁତୁରାଜ ଗାଇକୱାଡଙ୍କୁ CSKର ଅଧିନାୟକ କରାଯାଇଥିଲା। ରୁତରାଜ ଗାୟକଓ୍ବାର୍ଡଙ୍କ ଅଧିନାୟକତ୍ୱରେ ସିଏସକେ ଦଳ ପ୍ଲେ ଅଫରେ ପହଞ୍ଚି ପାରି ନଥିଲା। ସେମାନଙ୍କର ଶେଷ ଲିଗ ମ୍ୟାଚ ରେ, ସିଏସକେ ଆରସିବିକୁ ହରାଇଲା ଏବଂ ସିଏସକେର ଟୁର୍ନାମେଣ୍ଟ ଯାତ୍ରା ଶେଷ ହେଲା।
ଏହି ସମୟରେ ଧୋନିଙ୍କ ଶେଷ ଆଇପିଏଲ ମ୍ୟାଚ ବିଷୟରେ ଅନେକ ଆଲୋଚନା ହୋଇଥିଲା। ସୋସିଆଲ ମିଡିଆରେ ପ୍ରଶଂସକମାନେ ଅତ୍ୟନ୍ତ ଭାବପ୍ରବଣ ଦେଖାଯାଉଥିଲେ। ତେବେ ମାହି ଏପର୍ଯ୍ୟନ୍ତ ଏ ବିଷୟରେ କୌଣସି ଅଫିସିଆଲ ଇନଫରମେଶନ ଦେଇନାହାଁନ୍ତି, କିନ୍ତୁ ସିଏସକେ ଏହାର ୟୁଟ୍ୟୁବ ଚ୍ୟାନେଲରେ ସିଇଓ କାଶୀ ବିଶ୍ୱନାଥନଙ୍କ ଏକ ସାକ୍ଷାତକାର ଶେୟାର କରିଛନ୍ତି, ଯେଉଁଥିରେ ସେ ଧୋନିଙ୍କ ଅବସର ବିଷୟରେ କହୁଛନ୍ତି। ସେ କହିଛନ୍ତି ଅବସର ବିଷୟରେ ଧୋନି ହିଁ ଠିକ୍ କଥା କହିପାରିବେ।