ନୂଆ ବର୍ଷ ଆସିବା ପାଇଁ ଆଉ କେଇ ଘଣ୍ଟା ବାକି ଥିବାବେଳେ ଲୋକେ ସେଲିବ୍ରେଶନ ପାଇଁ ଜୋରସୋରରେ ଲାଗି ପଡିଛନ୍ତି। କିଏ ଭୋଜି ପାଇଁ ପ୍ରସ୍ତୁତ ହେଉଛି ତ କିଏ ଜିରୋ ନାଇଟ ସେଲିବ୍ରେଶନ ପାଇଁ। କିଛିଜଣ ନୂଆବର୍ଷରେ ରିଜୋଲ୍ୟୁଶନ ସେଟ୍ କରିସାରିଲେଣି। ତେବେ ୨୦୨୪ରେ ସକରାତ୍ମକ ଚିନ୍ତାଧାରା ନେଇ ଆଗକୁ ବଢିବା ସହ ବର୍ଷଯାକ ଭଲରେ କଟିବା ପାଇଁ ଲୋକେ ବିଭିନ୍ନ ପରମ୍ପରା ପାଳନ କରଥାନ୍ତି। ତେବେ ବିଶ୍ୱରେ ଏମିତି କିଛି ପରମ୍ପରା ରହିଛି ଯାହାକୁ ଶୁଣି ଆପଣ ଆଶ୍ଚର୍ଯ୍ୟ ହୋଇଯିବେ। କିଛିଜଣ ନୂଆବର୍ଷ ଭଲରେ କଟିବା ପାଇଁ ବର୍ଷ ଆରମ୍ଭରୁ କିଛି ପରମ୍ପରା ପାଳନ କରିଥାନ୍ତି। କିଛିଜଣ ଦୁଆର ମୁହଁରେ ପିଆଜ କାଟୁଥିବାବେଳେ କିଛିଜଣ ପ୍ଲେଟ ଭାଙ୍ଗିଥାନ୍ତି। ଚାଲନ୍ତୁ ଜାଣିବା ଭିନ୍ନ ପରମ୍ପରା ବିଷୟରେ…
ଗ୍ରୀସରେ ଘରେ ଘରେ ନୂଆବର୍ଷ ଆରମ୍ଭରୁ ଦୁଆର ମୁହଁରେ ପିଆଜ ଟଙ୍ଗା ଯାଇଥାଏ। ପିଆଜ ଟାଙ୍ଗିବା ଦ୍ୱାରା ପୁର୍ନଜନ୍ମ ମିଳିବା ସହ ଓ ନୂଆ ଆରମ୍ଭକୁ ସୂଚାଇ ଥାଏ ବୋଲି ସେଠାକାର ଲୋକେ ବିଶ୍ୱାସ କରନ୍ତି। ଗ୍ରୀସରେ ଆହୁରି ପରମ୍ପରା ରହିଛି କି, ପିତା-ମାତା ପିଲାଙ୍କ ମୁଣ୍ଡରେ ପିଆଜ ଫିଙ୍ଗି ଉଠାଇଲେ, ପିଲାଙ୍କର ବର୍ଷ ଭଲ ଯାଇଥାଏ।
ନୂଆବର୍ଷ ଦିନ ଅର୍ଥାତ୍ ରାତିରେ ଘଣ୍ଟାରେ ୧୨ବାଜିବା ମାତ୍ରେ ସ୍ପେନବାସୀ ଅଙ୍ଗୁର ଖାଇଥାନ୍ତି। ୧୨ବାଜିବା ମାତ୍ରେ ଗୋଟିଏ ଗୋଟିଏ ଅଙ୍ଗୁର ଖାଇବା ଆରମ୍ଭ କରିଥାନ୍ତି। ଗୋଟିଏ ମିନିଟରେ ଗୋଟିଏ ଅଙ୍ଗୁର ଖାଇବାବେଳେ ଯଦି ଗୋଟିଏ ବାକି ରହିଯାଏ। ତାହାକୁ ଅଶୁଭ ମନାଯାଏ।
ଡେନମାର୍କରେ ନୂଆବର୍ଷ ପ୍ଲେଟ ଭାଙ୍ଗିବାକୁ ଶୁଭ ମାନିଥାନ୍ତି। ପ୍ରିୟଜନଙ୍କ ଘର ସମ୍ମୁଖରେ ସେମାନେ ପ୍ଲେଟ ଗୋଟିକ ପରେ ଗୋଟିଏ ଭାଙ୍ଗିଥାନ୍ତି। ଯେତେ ଅଧିକ ପ୍ଲେଟ ଭାଙ୍ଗିବ ସେତେ ଶୁଭ ବୋଲି ଏଠାରେ ପରମ୍ପରା ରହିଛି।
କଲୋମ୍ବିଆବାସୀ ନୂଆବର୍ଷ ଆରମ୍ଭରୁ ଖାଲି ସୁଟକେଶ୍ ନେଇ ବୁଲିବାର ପରମ୍ପରା ରହିଛି। ଖାଲି ବ୍ୟାଗ ଧରି ବୁଲିବା ଦ୍ୱାରା ବର୍ଷସାରା ଟ୍ରାଭେଲ କରିବାକୁ ମିଳିବ ବୋଲି ବିଶ୍ୱାସ ରହିଛି।