ନୂଆବର୍ଷର ଅବସର ସମସ୍ତଙ୍କ ପାଇଁ ବହୁତ ଖାସ୍ ହୋଇଥାଏ। ତେଣୁ ଏଇ ଦିନ ଆସିବା ମାତ୍ରେ ହିଁ ଜୀବନକୁ ସକାରାତ୍ମକ ଭାବରେ ଜିଇଁବା ଲାଗି ଅନେକେ କିଛି ସଂକଳ୍ପ ନେଇଥାନ୍ତି। କିନ୍ତୁ ପରେ କାର୍ଯ୍ୟବ୍ୟସ୍ତତା ଭିତରେ ରହି ସେ ସବୁକୁ ପାଳନ କରିବାକୁ ଭୁଲିଯାନ୍ତି। ହେଲେ ଏଠାରେ ମନେରଖିବା ଉଚିତ ଯେ, ସମୟ କେବେ ବି ଆମ ଜୀବନରେ ପରିବର୍ତ୍ତନ ଆଣିପାରିବ ନାହିଁ ବରଂ ନିଜର ଇଚ୍ଛାଶକ୍ତି ଓ ଉଦ୍ୟମ ବଳରେ ହିଁ ଆମେ ଆମ ଜୀବନକୁ ଠିକ୍ ଭାବେ ଜିଇଁପାରିବା ଆଉ ଖୁସିରେ ରହିପାରିବା। ତେଣୁ ନୂଆବର୍ଷ ଅବସରରେ ବେଶି ନ ହେଲେ ବି ଅନ୍ତତଃ ଏଇ କେତୋଟି କଥା ପ୍ରାୟ ସମସ୍ତେ ମାନିବା ନିହାତି ଆବଶ୍ୟକ।
ଯେମିତିକି- ନିଜର ସ୍ବାସ୍ଥ୍ୟ ପ୍ରତି ଯତ୍ନଶୀଳ ହେବା। ଯେତେ କାମ ଥାଉ ପଛେ ଠିକ୍ ସମୟରେ ଖାଇବା ଆଉ ଠିକ୍ ସମୟରେ ଶୋଇବା। କାରଣ ଏହି ଦୁଇଟି ହିଁ ହେଉଛି ସୁସ୍ଥ ରହିବାର ସବୁଠୁ ସହଜ ଉପାୟ। ଏଥିସହିତ ପ୍ରତିଦିନ ହାଲ୍କା ବ୍ୟାୟାମ କରିବା ବି ଜରୁରୀ। ଦ୍ୱିତୀୟରେ ନିଜ ପାଇଁ ଓ ନିଜ ପରିବାର ପାଇଁ ସମୟ ବାହାର କରିବା। କାରଣ ଜୀବନ କ୍ଷଣସ୍ଥାୟୀ। କେତେବେଳେ କ’ଣ ହେବ କେହି କହି ପାରିବେନି। ତେଣୁ ଯେତିକି ଦିନ ବଞ୍ଚତ୍ବା ଖୁସିରେ ବଞ୍ଚତ୍ବା ଓ ଅନ୍ୟକୁ ଖୁସି ଦେବା। ମନରୁ ହିଂସା, ବାଦ, ଅହଂକାର, ଈର୍ଷା, ଲୋଭ ଦୂରେଇ ପରକୁ ଆପଣାର କରିବା ଆଉ ଅନ୍ୟର ଦୁଃଖରେ ଦୁଃଖୀ ଓ ସୁଖରେ ସୁଖୀ ହେବା ହେଉଛି ସବୁଠୁ ବଡ଼ ମଣିଷପଣିଆ।