ନ୍ୟୁୟର୍କ,୩୦।୯: ପ୍ରବଳ ବର୍ଷା ଯୋଗୁ ଶୁକ୍ରବାର ନ୍ୟୁୟର୍କରେ ବନ୍ୟା ପରି ପରିସ୍ଥିତି ସୃଷ୍ଟି କରିଛି। ଗତ ଦଶନ୍ଧିରେ ଗୋଟିଏ ଦିନରେ ଶୁକ୍ରବାରରେ ସର୍ବାଧିକ ବର୍ଷା ହୋଇଥିଲା। ସହରର ଅନେକ ମେଟ୍ରୋ ଏବଂ ରେଳ ଲାଇନ ଜଳବନ୍ଦୀ ହୋଇ ସାଧାରଣ ଜୀବନଯାତ୍ରା ପ୍ରଭାବିତ ହୋଇଛି। ଅନେକ ତଳିଆ ଅଞ୍ଚଳ ପାଣିରେ ବୁଡିଯାଇଥିବା କୁହାଯାଉଛି। ନ୍ୟୁୟର୍କର ଲାଗୁଆଡିଆ ବିମାନବନ୍ଦର ଟର୍ମିନାଲକୁ ମଧ୍ୟ ବନ୍ଦ କରିବାକୁ ପଡିଛି।
ଆମେରିକାର ପାଣିପାଗ ବିଜ୍ଞାନୀ କହିଛନ୍ତି ଯେ ନ୍ୟୁୟର୍କର ବ୍ରୁକଲିନରେ ପ୍ରାୟ ସାତ ଇଞ୍ଚ ବର୍ଷା ହୋଇଥିଲା। କେତେକ ସ୍ଥାନରେ ମାତ୍ର ଏକ ଘଣ୍ଟା ମଧ୍ୟରେ ପ୍ରାୟ ଅଢେଇ ଇଞ୍ଚ ବର୍ଷା ହୋଇଥିଲା।ଜନ ଏଫ କେନେଡି ବିମାନବନ୍ଦର ପରିସରରେ ପ୍ରାୟ ୮ଇଞ୍ଚ ବର୍ଷା ହୋଇଥିଲା, ଯାହାକି ସେପ୍ଟେମ୍ବର ମାସର ରେକର୍ଡ ବର୍ଷା । ଏହାପୂର୍ବରୁ ୧୯୬୦ରେ, ସାଇକ୍ଲୋନ ଡୋନା ସମୟରେ ଏହି ପରିମାଣରେ ବର୍ଷା ହୋଇଥିଲା। ଦୁଇ ବର୍ଷ ପୂର୍ବେ ସାଇକ୍ଲୋନିକ ଷ୍ଟର୍ମ ଇଡା ଯୋଗୁଁ ଉତ୍ତର-ପୂର୍ବ ଅଞ୍ଚଳରେ ପ୍ରବଳ ବର୍ଷା ହେତୁ ପ୍ରାୟ ୧୩ଜଣ ପ୍ରାଣ ହରାଇଥିଲେ। ଯଦିଓ ବର୍ତ୍ତମାନ ପର୍ଯ୍ୟନ୍ତ ବର୍ଷା ଯୋଗୁ କୌଣସି କ୍ଷୟକ୍ଷତିର ଖବର ଆସିନାହିଁ, ଏହା ନିଶ୍ଚିତ ଭାବରେ ଲୋକଙ୍କ ଦୁଇ ବର୍ଷର ଭୟଙ୍କର ସ୍ମୃତିକୁ ସତେଜ କରିଛି।