ରାଓ୍ବଲପିଣ୍ଡି,୧୭।୯: ନ୍ୟୁଜିଲାଣ୍ଡ ଓ ପାକିସ୍ତାନ ମଧ୍ୟରେ ଏଠାରେ ଶୁକ୍ରବାର ପ୍ରଥମ ଦିନିକିଆ ମ୍ୟାଚ୍ ଖେଳାଯିବାର ଥିଲା। କିନ୍ତୁ ମ୍ୟାଚ୍ ଆରମ୍ଭ ହେବାର ଘଣ୍ଟାକ ପୂର୍ବରୁ ସୁରକ୍ଷା ଗତ କାରଣ ଦର୍ଶାଇ ପୂରା ଗସ୍ତକୁ ବାତିଲ ଘୋଷଣା କରିଛି ନ୍ୟୁଜିଲାଣ୍ଡ କ୍ରିକେଟ୍। ଏପରିକି ପାକିସ୍ତାନ ପ୍ରଧାନମନ୍ତ୍ରୀ ଇମ୍ରାନ ଖାନ ବ୍ୟକ୍ତିଗତ ଭାବେ ଆଶ୍ୱସନା ଦେବା ପରେ ମଧ୍ୟ ଖେଳିବାକୁ ମନା କରି ଦେଇଛି ନ୍ୟୁଜିଲାଣ୍ଡ।
ସରକାରଙ୍କ ପକ୍ଷରୁ ସୁରକ୍ଷା ଜନିତ ଚିନ୍ତା ବ୍ୟକ୍ତ କରାଯିବା ପରେ ଆମେ ପାକିସ୍ତାନ ବିପକ୍ଷ ପ୍ରଥମ ଦିନିକିଆ ମ୍ୟାଚ୍ ପୂର୍ବରୁ ପୂରା ସିରିଜ୍କୁ ବାତିଲ କରିବାକୁ ନିଷ୍ପତ୍ତି ନେଇଛୁ। ନ୍ୟୁଜିଲାଣ୍ଡ କ୍ରିକେଟର ସୁରକ୍ଷା ଅଧିକାରୀଙ୍କ ପରାମର୍ଶ କ୍ରମେ ଏଭଳି ନିଷ୍ପତ୍ତି ନିଆଯାଇଛି। ଏବେ ଦଳର ଫେରିବା ବ୍ୟବସ୍ଥା କରାଯାଉଥିବା ନ୍ୟୁଜିଲାଣ୍ଡ କ୍ରିକେଟ୍ ପକ୍ଷରୁ କୁହାଯାଇଛି।
ତେବେ ପାକିସ୍ତାନ ପ୍ରଧାନମନ୍ତ୍ରୀ ଇମ୍ରାନ ଖାନ ବ୍ୟକ୍ତିଗତ ଭାବେ ତାଙ୍କ ନ୍ୟୁଜିଲାଣ୍ଡ ପ୍ରତିପକ୍ଷ ଜାକିନ୍ଦା ଆର୍ଡେନଙ୍କ ସହ ଆଲୋଚନା କରିଥିଲେ। ଇମ୍ରାନ ଜଣାଇଥିଲେ ଯେ, ଆମ ପାଖରେ ବିଶ୍ୱର ଅନ୍ୟତମ ଶ୍ରେଷ୍ଠ ଇଣ୍ଟେଲିଜେନ୍ସ ସିଷ୍ଟମ ରହିଛି। ଭ୍ରମଣକାରୀ ଦଳ ପ୍ରତି କୌଣସି ବିପଦ ନାହିଁ। ପିସିବି ଓ ପାକିସ୍ତାନ ସରକାର ନ୍ୟୁଜିଲାଣ୍ଡ ଦଳ ପାଇଁ ଫୁଲପ୍ରୁପ୍ ସୁରକ୍ଷା ବ୍ୟବସ୍ଥା କରିଛନ୍ତି। ଆମେ ଭ୍ରମଣକାରୀ ଦଳର ସୁରକ୍ଷା ନେଇ ନ୍ୟୁଜିଲାଣ୍ଡ କିକେଟକୁ ଆଶ୍ୱସନା ଦେଉଛୁ। ଏହାସତ୍ତ୍ୱେ ସିରିଜ୍ରୁ ଓହରିବାକୁ ନିଷ୍ପତ୍ତି ନେଇଥିଲେ ଏନ୍ଜେଡ୍ସି ମୁଖ୍ୟ ଡେଭିଡ ହ୍ବାଇଟ୍।