ଖ୍ରୀଷ୍ଟଚର୍ଚ୍ଚ,୬।୧: ବିଶ୍ୱର ଏକ ନମ୍ବର ଟେଷ୍ଟ କ୍ରିକେଟ୍ ଟିମ୍ ହୋଇଛି ନ୍ୟୁଜିଲାଣ୍ଡ। ଚିରପ୍ରତିନ୍ଦ୍ୱନ୍ଦୀ ଅଷ୍ଟ୍ରେଲିଆକୁ ପଛରେ ପକାଇ ଆଇସିସି ର଼୍ୟାକିଂରେ ପ୍ରଥମ ସ୍ଥାନ ହାସଲ କରିଛି ଦଳ। ଜାନୁୟାରୀ ୩ରୁ ଏଠାରେ ଖେଳାଯାଉଥିବା ସିରିଜର ଦ୍ୱିତୀୟ ତଥା ଶେଷ ଟେଷ୍ଟର ଚତୁର୍ଥ ଦିନରେ ପାକିସ୍ତାନକୁ ୧୭୬ରନ୍ରେ ପରାସ୍ତ କରି ନ୍ୟୁଜିଲାଣ୍ଡ ବିଶ୍ୱର ଶ୍ରେଷ୍ଠ ଦଳ ପାଲଟିଛି। ନିଜର କ୍ରିକେଟ ଇତିହାସରେ ପ୍ରଥମ ଥର ପାଇଁ ନ୍ୟୁଜିଲାଣ୍ଡ ଆଇସିସି ମାନ୍ୟତାରେ ପ୍ରଥମ ସ୍ଥାନକୁ ପହଞ୍ଚିବାରେ ସଫଳ ହୋଇଛି। ଏହି ବିଜୟ ପରେ ଅଷ୍ଟ୍ରେଲିଆ ଦ୍ୱିତୀୟ ସ୍ଥାନକୁ ଖସି ଆସିଛି। ସେହିଭଳି ତୃତୀୟ ସ୍ଥାନକୁ ଭାରତ ଖସିଛି।
ପ୍ରକାଶ ଯେ, ନ୍ୟୁଜିଲାଣ୍ଡ ଅଧିନାୟକ କେନ୍ ଓ୍ବିଲିୟମସନ ପାକିସ୍ତାନ ବିପକ୍ଷ ଏହି ଟେଷ୍ଟରେ ମଙ୍ଗଳବାର ୨୩୮ ରନ୍ର ଦ୍ୱିଶତକୀୟ ପାଳି ଖେଳିଥିଲେ। ଏହାଦ୍ୱାରା ସେ ଟେଷ୍ଟ କ୍ୟାରିୟରର ୭ହଜାର ରନ୍ ପୂରଣ କରିଛନ୍ତି। ନ୍ୟୁଜିଲାଣ୍ଡର ଦ୍ରୁତତମ ବ୍ୟାଟ୍ସମ୍ୟାନ୍ ଭାବେ ସେ ଏହି ମାଇଲଷ୍ଟୋନ ସ୍ପର୍ଶ କରିଥିଲେ।
ଅନ୍ତିମ ସ୍କୋର:
ପାକିସ୍ତାନ ୨୯୭/୧୦ ଏବଂ ୧୮୬/୧୦
ନ୍ୟୁଜିଲାଣ୍ଡ ୬୫୯/୬ ପାଳି ଘୋଷିତ