ୱେଲିଂଟନ,୨୮ ।୧୧: ନ୍ୟୁଜିଲାଣ୍ଡର ସାଂସଦ ଗୁଲି ଏନି ଜେଣ୍ଡରଙ୍କ ଚର୍ଚ୍ଚା ଇଣ୍ଟରନ୍ୟାସନାଲ ଗଣମାଧ୍ୟମରେ ଖୁବ୍ ହେଉଛି । ଚର୍ଚ୍ଚାର କାରଣ ହେଉଛି ତାଙ୍କ ସାହସ । ଘଟଣା ହେଉଛି ରବିବାର ସକାରେ ତାଙ୍କର ପ୍ରସବ ଯନ୍ତ୍ରଣା ବା ଲେବର ପେନ୍ ଆରମ୍ଭ ହୋଇଯାଇଥିଲା । ଏହାପରେ ସେ ନିଜେ ସାଇକେଲ ଚଲାଇ ଏକ ଏକା ଆସି ହସ୍ପିଟାଲରେ ପହଞ୍ଚି ଯାଇଥିଲେ । ଏହାର ଠିକ୍ ଏକ ଘଣ୍ଟା ପରେ ସେ ଏକ ସୁସ୍ଥ ଶିଶି କନ୍ୟାକୁ ଜନ୍ମ ଦେଇଥିଲେ ବୋଲି ଜଣାପଡିଛି । ଏହାପରେ ସେ ଏକ ସୁସ୍ଥ ଶିଶୁ କନ୍ୟା ପ୍ରସବ ଦେଇଥିବା ଖବର ସୋସିଆଲ ମିଡିଆରେ ଶେୟାର କରିଥିଲେ । ସେ ତାଙ୍କ ପୋଷ୍ଟରେ ଲେଖିଛନ୍ତି, ରବିବାର ରାତି ପ୍ରାୟ ୨ଟାରେ ତାଙ୍କୁ ସାମାନ୍ୟ ଯନ୍ତ୍ରଣା ହେବାରୁ ସେ ହସ୍ପିଟାଲ ବାହାରି ଥିଲେ । ତେବେ ସେ ସାଇକେଲରେ ଆସିବାର କୌଣସି ଯୋଜନା ରଖି ନ ଥିଲେ । ହେଲେ ଏମିତି ହୋଇଗଲା ବୋଲି ସେ ହସି ହସି କହିଛନ୍ତି । ଏହାସହ ଭୋର ୩ଟା ୪ରେ ତାଙ୍କ ଘରକୁ ଜଣେ ନୂଆ ଅତିଥି ଆସିଲେ ବୋଲି ସେ ଲେଖିଛନ୍ତି । ସେ ଲେଖିଛନ୍ତି ରାତି ୨ଟାରେ ତାଙ୍କର ଏତେ ଯନ୍ତ୍ରଣା ହେଉ ନ ଥିଲା । ହେଲେ ସାଇକେଲରେ ଆସିବା ପରେ ଏହା ବଢି ଯାଇଥିଲା । କିନ୍ତୁ ଏବେ ମୋ ପାଖରେ ଏକ ସୁସ୍ଥ କନ୍ୟା ଶୋଇଛି ଠିକ୍ ତା’ ପିତାଙ୍କ ପରି ।
ସୂଚନାଯୋଗ୍ୟ, ଜୁଲି ଏନି ଜେଂଟର ଗ୍ରୀନ ଏମ୍ପି ଭାବେ ବେଶ ପରିଚିତ । ପରିବେଶ ସଚେତନତା ପାଇଁ ସେ ବହୁକାମ କରିଛନ୍ତି । ତାଙ୍କ ନିକଟରେ ଉଭୟ ୟୁଏସ୍ ଓ ନ୍ୟୁଜିଲାଣ୍ଡର ନାଗରିକତା ରହିଛି । ୨୦୦୬ରୁ ସେ ନ୍ୟୁଜିଲାଣ୍ଡରେ ରହି ଆସୁଛନ୍ତି । ଏମିତିକି ୨୦୧୮ରେ ବି ସେ କୁଆଡେ ସାଇକେଲରେ ହସ୍ପିଟାଲ ପହଞ୍ଚି ତାଙ୍କ ପ୍ରଥମ ସନ୍ତାନକୁ ଜନ୍ମ ଦେଇଥିଲେ ।