ଖବରର ହେଡିଙ୍ଗ୍ଟି ପଢ଼ିବା ପରେ ଯେ କେହି ବି ଆଶ୍ଚର୍ଯ୍ୟ ହୋଇଯାଇଥିବେ ନିଶ୍ଚୟ। ତେବେ ଏମିତି ଏକ ଘଟଣା ଘଟିଛି ଇଜିପ୍ଟର ଜଗଜିଗ ସହରରେ। ସହରର ଏକ ହସ୍ପିଟାଲରେ ଗତ ୧୦ ତାରିଖରେ ଏକ ଶିଶୁ ଜନ୍ମ ହୋଇଥିଲା। ଜନ୍ମଲାଭ ପରେ ଶିଶୁଟି ସମ୍ପୂର୍ଣ୍ଣ ସୁସ୍ଥ ଥିଲା। ତେବେ ଅଲଟ୍ରାସାଉଣ୍ଡ କରିବା ପରେ ଶିଶୁ ପେଟରେ ଆଉ ଏକ ପିଲା ଥିବା ଜଣାପଡ଼ିଲା। ପେଟରେ ଥିବା ପିଲାଟି ଜନ୍ମ ହୋଇଥିବା ଶୁଶୁର ଯାଆଁଳା ଭାଇ। ମା’ ପେଟରେ ଥିବା ବେଳେ ଶିଶୁ ପେଟକୁ ଉକ୍ତ ଭ୍ରୁଣ ଚାଲିଆସିଥିବା ଡାକ୍ତର କହିଥିଲେ। ତେବେ ଏହା ଜଣାପଡ଼ିବା ପରେ ଡାକ୍ତର ତୁରନ୍ତ ସର୍ଜରୀ କରାଇ ଶିଶୁ ପେଟରୁ ଉକ୍ତ ଭ୍ରୁଣକୁ ବାହାର କରିଥିଲେ। ୫ଜଣ ଡାକ୍ତର ବିଶିଷ୍ଟ ଏକ ଟିମ୍ ଏହି ସର୍ଜରୀ କରିବାରେ ସଫଳ ହେଲେ। ସର୍ଜରୀ ପରେ ଶିଶୁକୁ ୨୪ ଘଣ୍ଟା ପର୍ଯ୍ୟନ୍ତ ଅବ୍ଜର୍ଭେସନରେ ରଖାଗଲା। ଏବେ ସେ ସମ୍ପୂର୍ଣ୍ଣ ସୁସ୍ଥ ଥିବା ଡାକ୍ତର କହିଛନ୍ତି।
