ଚଢ଼େଇଧରା,୪।୭(ଡି.ଏନ.ଏ.):ଧର୍ମଶାଳା ବ୍ଲକ ଜେନାପୁର ଥାନା ଅଣ୍ଟିଆ ପଞ୍ଚାୟତ କୁସ୍ତିରା ଗାଁରେ ଏକ ନବଜାତ ଶିଶୁପୁତ୍ରର ମୃତଦେହ ଦଳପୂର୍ଣ୍ଣ ଗଡିଆରୁ ଜବତ କରାଯାଇଛି। ଗାଁର ଦଳେଇ ସାହି ନିକଟରେ ଥିବା ଉକ୍ତ ଗଡିଆରୁ ମୃତଦେହଟି ଭାସୁଥିବା ଦେଖି ସ୍ଥାନୀୟ ଲୋକେ ଜେନାପୁର ଥାନାକୁ ଜଣାଇଥିଲେ। ଜେନାପୁର ଏଏସ୍ଆଇ ମନୋରଞ୍ଜନ ସାମଲ ମୃତଦେହ ଜବତ କରି ବ୍ୟବଚ୍ଛେଦ ପାଇଁ ପଠାଇଛନ୍ତି। ଶିଶୁପୁତ୍ରଟି କାହାର ଏବଂ କେଉଁ ପରିସ୍ଥିତିରେ ଦଳଗାଡ଼ିଆରେ ପଡିଲା ତାର ତଦନ୍ତ ଆରମ୍ଭ ହୋଇଛି। ମୃତଦେହକୁ କେହି ଗଡ଼ିଆକୁ ଫିଙ୍ଗି ଦେଇଥିବା ପୋଲିସ ସନ୍ଦେହ କରୁଛି। ଏ ନେଇ ଜେନାପୁର ଥାନାରେ ଏକ ଅପମୃତ୍ୟୁ ମାମଲା(ନଂ.୧୩/୨୨)ରୁଜୁ ହୋଇଛି।