ଯୋଡ଼ା,୫।୧୨(ଡି.ଏନ୍.ଏ.): କେନ୍ଦୁଝର ଜିଲା ଯୋଡ଼ା ସହରସ୍ଥିତ ପଶ୍ଚିମ ଯୋଡ଼ା ହୁଡ଼ି ସାହି ନିକଟ ଏକ ପରିତ୍ୟକ୍ତ ବୁଦାମୂଳରୁ ଏକ ନବଜାତ ଶିଶୁ କନ୍ୟାକୁ ଉଦ୍ଧାର କରାଯାଇଛି।
ସୂଚନା ଅନୁଯାୟୀ ରବିବାର ହୁଡ଼ି ସାହି ଓ ଟାଟା କମ୍ପାନୀର ପାଚେରୀ ନିକଟ ଏକ ବୁଦାମୂଳରେ ଶିଶୁଟି କାନ୍ଦୁ ଥିବା ଶୁଣି ସ୍ଥାନୀୟ ଅଞ୍ଚଳର ତ୍ରିନାଥ ମହାରଣା ପାଖକୁ ଯାଇଥିଲେ। ଏକ ଅଖାରେ ବାନ୍ଧି କେହି ଜଣେ ଶିଶୁକନ୍ୟାକୁ ଫିଙ୍ଗି ଦେଇଥିବା ସେ ଦେଖିବାକୁ ପାଇଥିଲେ। ସେଠାରୁ ସେ ଶିଶୁକନ୍ୟାଙ୍କୁ ଉଦ୍ଧାର କରି ପୋଲିସକୁ ଖବର ଦେଇଥିଲେ। ଏପରିକି ତୁରନ୍ତ ଶିଶୁକନ୍ୟାର ଚିକିତ୍ସା ପାଇଁ କମାରଯୋଡ଼ା ସ୍ଥିତ ସରକାରୀ ଡାକ୍ତରଖାନାକୁ ନେଇଥିଲେ। ପୋଲିସ ନବଜାତ ଶିଶୁକନ୍ୟାକୁ ଅଧିକ ଚିକିତ୍ସା ପାଇଁ କେନ୍ଦୁଝର ପଠାଯାଇଛି। ତେବେ ନବଜାତ ଶିଶୁକନ୍ୟାକୁ ସେଠାରେ କିଏ ଫିଙ୍ଗିଲା ଏ ନେଇ କୌଣସି ସୂଚନା ମିଳି ନାହିଁ।