![](https://www.dharitri.com/wp-content/uploads/2024/07/WhatsApp-Image-2024-07-21-at-1.02.24-PM.jpeg)
ନୂଆଦିଲ୍ଲୀ, ୨୧।୭: ରାସ୍ତାରେ କାର ପାର୍କିଂକୁ ନେଇ ସାମାନ୍ୟ ଯୁକ୍ତି ତର୍କରୁ ଜଣେ ୨୯ ବର୍ଷୀୟ ଯୁବକଙ୍କୁ ହତ୍ୟା କରାଯାଇଛି । ଏପରି ଏକ ଘଟଣା ଆମେରିକାରେ ରହୁଥିବା ଜଣେ ଭାରତୀୟ ବଂଶଦ୍ଭୋବଙ୍କ ସହ ଘଟିଛି । ଅନ୍ୟଜଣେ କାର ଚାଳକଙ୍କ ଗୁଳିରେ ତାଙ୍କ ଜୀବନ ଯାଇଛି । ତେବେ ମିଳିଥିବା ସୂଚନା ଅନୁଯାୟୀ ଏହି ଯୁବକଙ୍କ ନାମ ଗଭିନ ଡାସୁଅର । ତାଙ୍କ ଘର ଆଗ୍ରା ଅଞ୍ଚଳରେ ହୋଇଥିବା ବେଳେ ସେ ଚଳିତ ବର୍ଷ ଜୁନ୍ ୨୯ ତାରିଖରେ ବିବାହ କରିଥିଲେ ।
କାରରେ ତାଙ୍କ ପତ୍ନୀଙ୍କ ସହ ଆସୁଥିବା ବେଳେ କୌଣସି କାରଣକୁ ନେଇ ତାଙ୍କର ଅନ୍ୟଜଣେ କାର ଚାଳକଙ୍କ ସହ ସାମାନ୍ୟ ପାଟିତୁଣ୍ଡ ହୋଇଥିଲା । ସେ ହାତରେ ବନ୍ଧୁକ ଧରି ଉକ୍ତ କାରର କାଚକୁ ପିଟିଥିଲେ । କାର ଚାଳକ ଡୋର ଖୋଲି ଗଭିନଙ୍କ ଉପରକୁ ଗୁଳି ଚଳାଇଥ ଦେଇଥିଲେ । ପରେ ତାଙ୍କୁ ଆମ଼୍ବୁଲାନ୍ସ ଯୋଗେ ଡାକ୍ତରଖାନା ନିଆଯାଇଥିଲା । ହେଲେ ଚିକିତ୍ସା ବେଳେ ତାଙ୍କର ମୃତ୍ୟୁ ହୋଇଛି । ତେବେ ଏହି ଘଟଣାରେ ଅଭିଯୁକ୍ତ ଯୁବକକୁ ଗିରଫ କରିଥିବା ବେଳେ ସେ ଆତ୍ମରକ୍ଷା ପାଇଁ ଗୁଳି ଚଳାଇଥିବା କହିଛି । ତେଣୁ ଅଭିଯୁକ୍ତକୁ ଏବେ ପୋଲିସ କୋର୍ଟଙ୍କ ନିର୍ଦ୍ଦେଶ କ୍ରମେ ଛାଡ଼ି ଦେଇିଛି । ଏହି ଘଟଣା ଗତ ମଙ୍ଗଳବାର ଘଟିଥିବା ଆମେରିକା ପୋଲିସ କହିଛି ।