ବମ୍ବେ: ଟେଲିପରଦାର ହ୍ୟାଣ୍ଡସମ ହଙ୍କ ଶାହିର ସେଖ ବିବାହ ପରେ ଏବେ ହନିମୁନ୍ରେ। ପ୍ରେମିକା ରୁଚିକା କପୁରଙ୍କୁ ଲୁଚିଛପି ବିବାହ କରିବା ପରେ ଏବେ ଭୁଟାନରେ ଉଭୟ ପରସ୍ପର ସହ ସମୟ ବିତାଉଛନ୍ତି। ସେଠାକାର ପାହାଡ ଓ ତାର ସବୁଜିମାକୁ ମନଭରି ଉପଭୋଗ କରୁଛନ୍ତି ସେମାନେ। ନିଜର ସୋସିଆଲ ପୃଷ୍ଠାରେ ରୁଚିକାଙ୍କ ସହ ପାହାଡ ଉପରେ ବସିଥିବାର ଫଟୋ ଶେୟାର କରି ଏହା କହିଛନ୍ତି ଶାହିର।
ଏକାଧିକ ଥର କସୌଟି ଜିନ୍ଦେଗୀ କି’ର ଅଭିନେତ୍ରୀ ଏରିକାଙ୍କ ସହ ଶାହିରଙ୍କ ସମ୍ପର୍କକୁ ନେଇ ଚର୍ଚ୍ଚା ହୋଇଥିଲା। ହେଲେ ତାହା ବେଶି ଦିନ ଚାଲି ନ ଥିଲା। ଏହାପରେ ରୁଚିକାଙ୍କ ପ୍ରେମରେ ପଡ଼ିଥିଲେ ଶାହିର। ଦୀର୍ଘଦିନ ଧରି ଡେଟ୍ କରିବା ପରେ ଶେଷରେ ବିବାହ କରିନେଇଛନ୍ତି ସେ। ହେଲେ ବିବାହଟି ଧୁମ୍ଧାମରେ ହୋଇପାରିନାହିଁ। କରୋନା କଟକଣାକୁ ନେଇ ଉଭୟ କେବଳ କୋର୍ଟରେ ବିବାହ କରିଛନ୍ତି। ପରବର୍ତ୍ତୀ ସମୟରେ ବିବାହ ଭୋଜିର ଆୟୋଜନ କରାଯିବ ବୋଲି ଜଣାପଡ଼ିଛି।