ନୂଆଦିଲ୍ଲୀ,୫।୫:ନେକ୍ସସ୍ ସିଲେକ୍ଟ ଟ୍ରଷ୍ଟର ଇନିସିଆଲ୍ ପବ୍ଲିକ୍ ଅଫର (ଆଇପିଓ) ୨୦୨୩ ମେ ୯ ରେ ଖୋଲିବ ବୋଲି କମ୍ପାନୀ ପକ୍ଷରୁ କୁହାଯାଇଛି। ଏପରିକି ଏହା ଜରିଆରେ କମ୍ପାନୀ ପ୍ରାୟ ୩୨୦୦ କୋଟି ଟଙ୍କାର ପୁଞ୍ଜି ହାସଲ କରିବାକୁ ଲକ୍ଷ୍ୟ ରଖିଛି। ଏହି ପବ୍ଲିକ୍ ଅଫର ଜରିଆରେ କମ୍ପାନୀ ୧୪୦୦ କୋଟି ଟଙ୍କାର ନୂଆ ଶେୟାର ଜାରି କରିବ ଏବଂ ୧୮୦୦ କୋଟି ଟଙ୍କାର ଅଫର ଫର୍ ସେଲ୍ରେ ଅଂଶଧନକାରୀଙ୍କ ଶେୟାର ଉପଲବ୍ଧ କରାଇବ ବୋଲି କମ୍ପାନୀ ପକ୍ଷରୁ କୁହାଯାଇଛି। ସେହିଭଳି ଉକ୍ତ ଅଫରର ଶେୟାର ପିଛା ଦାମ୍ ୯୫ ଟଙ୍କାରୁ ୧୦୦ ଟଙ୍କା ମଧ୍ୟରେ ରହିଛି। ଏହି ଅଫର ୨୦୨୩ ମେ ୧୧ରେ ବନ୍ଦ ହେବ। ଏହାର ଆଙ୍କର ନିବେଶକମାନେ ୨୦୨୩ ମେ ୮ ସୁଦ୍ଧା ସମସ୍ତ କାର୍ଯ୍ୟ ସମ୍ପୂର୍ଣ୍ଣ କରିବେ। କାରଣ ଅଫରର ଗୋଟିଏ ଦିନ ପୂର୍ବରୁ ନିବେଶକମାନେ ବିଡ୍ ଦାଖଲ କରିପାରିବେ।
ଉଲ୍ଲେଖଯୋଗ୍ୟ, ୱିନ୍ଫୋର୍ଡ ଇନ୍ଭେଷ୍ଟମେଣ୍ଟ ଲିମିଟେଡ୍ ହେଉଛି ନେକ୍ସସ୍ ସିଲେକ୍ଟ ଟ୍ରଷ୍ଟ୍ର ପ୍ରାୟୋଜକ ଏବଂ ନେକ୍ସସ୍ ସିଲେକ୍ଟ ମଲ୍ ମ୍ୟାନେଜମେଣ୍ଟ ପ୍ରାଇଭେଟ୍ ଲିମିଟେଡ୍ ହେଉଛି ଏହାର ମ୍ୟାନେଜର। ଆକ୍ସିସ୍ ଟ୍ରଷ୍ଟି ସର୍ଭିସେସ୍ ଲିମିଟେଡ୍ ହେଉଛି ନେକ୍ସସ୍ ସିଲେକ୍ଟ ଟ୍ରଷ୍ଟ୍ର ଟ୍ରଷ୍ଟି। ଏ ସମ୍ପର୍କରେ ବ୍ଲାକ୍ଷ୍ଟୋନ୍ ଏସିଆ ପାସିଫିକ୍ର ଅଧ୍ୟକ୍ଷ ଓ ରିଅଲ ଇଷ୍ଟେଟ୍ ଏସିଆର ମୁଖ୍ୟ କ୍ରିସ୍ ହେଡି କହିଛନ୍ତି, ଭାରତର ପ୍ରଥମ ରିଟେଲ କୈନ୍ଦ୍ରିକ ଆର୍ଇଆଇଟି ନେକ୍ସସ୍ ସିଲେକ୍ଟ ଟ୍ରଷ୍ଟ୍ର ଶୁଭାରମ୍ଭ କରି ଆମେ ବେଶ୍ ଉତ୍ସାହିତ। ଭାରତ ପ୍ରତି ଏହା ବ୍ଲାକ୍ଷ୍ଟୋନର ପ୍ରତିବଦ୍ଧତାକୁ ଦୋହରାଉଛି, ଯେଉଁଠାରେ ଏହା ୧୫ ବର୍ଷରୁ ଅଧିକ ସମୟ ଧରି ରହିଛି ଏବଂ ପ୍ରଥମ ଦୁଇଟି ଆର୍ଇଆଇଟି ଉନ୍ମୋଚନରେ ଅଂଶଗ୍ରହଣ କରିଛି। ସେହିଭଳି ନେକ୍ସସ୍ ସିଲେକ୍ଟ ମଲ୍ ମ୍ୟାନେଜମେଣ୍ଟ ପ୍ରାଇଭେଟ୍ ଲିମିଟେଡ୍ର ମୁଖ୍ୟ କାର୍ଯ୍ୟନିର୍ବାହୀ ଅଧିକାରୀ ଦଲିପ୍ ସେହଗଲ୍ କହିଛନ୍ତି, ନେକ୍ସସ୍ ସିଲେକ୍ଟ ଟ୍ରଷ୍ଟ୍ ହେଉଛି, ଭାରତର ସର୍ବବୃହତ୍ ମଲ୍ ପ୍ଲାଟ୍ଫର୍ମ ଏବଂ ଭାରତର ସ୍ବତନ୍ତ୍ର ଉପଯୋଗିତାରୁ ଏହା ଲାଭବାନ୍ ହେବା ଲାଗି ବହୁତ ଭଲ ସ୍ଥିତିରେ ରହିଛି। ଭାରତର ରିଟେଲ ଯାତ୍ରାର ଆଗରେ ରହିଥିବାରୁ ଆମେ ଉତ୍ସାହିତ।
ସୂଚନାଯୋଗ୍ୟ, ଏହି ଅଫରର ବୁକ୍ ରନିଂ ଲିଡ୍ ମ୍ୟାନେଜର ଯଥା ବିଓଏଫ୍ଏ ସିକ୍ୟୁରିଟିଜ୍ ଇଣ୍ଡିଆ ଲିମିଟେଡ୍, ଆକ୍ସିସ୍ କ୍ୟାପିଟାଲ୍ ଲିମିଟେଡ୍, ସିଟି ଗ୍ରୁପ୍ ଗ୍ଲୋବାଲ୍ ମାର୍କେଟ୍ସ ଇଣ୍ଡିଆ ପ୍ରାଇଭେଟ୍ ଲିମିଟେଡ୍, ଏଚ୍ଏସ୍ବିସିସି ସିକ୍ୟୁରିଟିଜ୍ ଆଣ୍ଡ୍ କ୍ୟାପିଟାଲ ମାର୍କେଟସ୍ (ଇଣ୍ଡିଆ) ପ୍ରାଇଭେଟ୍ ଲିମିଟେଡ୍, ଆଇଆଇଏଫ୍ଏଲ୍ ସିକ୍ୟୁରିଟିଜ୍ ଲିମିଟେଡ୍, ଜେଏମ୍ ଫାଇନାନ୍ସିଆଲ୍ ଲିମିଟେଡ୍, ଜେପି ମୋର୍ଗାନ ଇଣ୍ଡିଆ ପ୍ରାଇଭେଟ୍ ଲିମିଟେଡ୍, କୋଟାକ୍ ମହିନ୍ଦ୍ରା କ୍ୟାପିଟାଲ୍ କମ୍ପାନୀ ଲିମିଟେଡ୍, ମୋର୍ଗାନ ଷ୍ଟାନ୍ଲି ଇଣ୍ଡିଆ କମ୍ପାନୀ ପ୍ରାଇଭେଟ୍ ଲିମିଟେଡ୍ ଓ ଏସ୍ବିଆଇ କ୍ୟାପିଟାଲ ମାର୍କେଟ୍ସ ଲିମିଟେଡ୍ ଆଦି ସାମିଲ ଅଛନ୍ତି।