ପ୍ୟାରିସ୍, ୯ା୫ (ଏପି.)-ପ୍ୟାରିସ୍ ସେଣ୍ଟ ଜର୍ମେନ (ପିଏସ୍ଜି) ବ୍ରାଜିଲର ଷ୍ଟାର ଫୁଟ୍ବଲ ଖେଳାଳି ନେମାରଙ୍କ ସହ ଏହାର ଚୁକ୍ତି ମିଆଦକୁ ଆହୁରି ୩ବର୍ଷ ବୃଦ୍ଧି କରିଛି। ଅର୍ଥାତ୍ ଫ୍ରାନ୍ସର ଏହି ଫୁଟ୍ବଲ କ୍ଲବ ସହ ସେ ୨୦୨୫ ପର୍ଯ୍ୟନ୍ତ ଖେଳିବେ। ୨୯ ବର୍ଷୀୟ ନେମାରଙ୍କର କ୍ଲବ ସହିତ ହୋଇଥିବା ଚୁକ୍ତି ମିଆଦ ଆସନ୍ତା ଜୁନ୍ରେ ଶେଷ ହେବାର ଥିଲା। ପିଏସ୍ଜି ସହ ଷ୍ଟ୍ରାଇକର କିଲିଆନ ଏମ୍ବାପେଙ୍କ ଚୁକ୍ତି ଅବଧି ମଧ୍ୟ ଶେଷ ହେଉଛି। ସେ ସ୍ପାନିଶ ଫୁଟ୍ବଲ କ୍ଲବ ରିଅଲ ମାଡ୍ରିଡ ସହ ଯୋଗାଯୋଗରେ ରହିଛନ୍ତି। ନେମାର ୨୨୨ ନିୟୁତ ୟୁରୋ (୨୭୦ ନିୟୁତ ଡଲାର) ବିନିମୟରେ ବାର୍ସିଲୋନାରୁ ଆସି ପିଏସ୍ଜିରେ ଯୋଗଦେବାପରଠାରୁ ୧୧୨ଟି ଗେମ୍ ଖେଳି ୮୫ ଗୋଲ ସ୍କୋର କରିସାରିଛନ୍ତି। ତାଙ୍କ ସହିତ ୪ ବର୍ଷ ପୂର୍ବେ ଏମ୍ବାପେ ମୋନାକୋର ୧୮୦ ନିୟୁତ ୟୁରୋ (୨୧୯ ନିୟୁତ ଡଲାର) ବିନିମୟରେ ପିଏସ୍ଜିରେ ଯୋଗ ଦେଇଥିଲେ।