କେନ୍ଦୁଝର,୧ା୨(ସ୍ବ.ପ୍ର.): ଘସିପୁରା ତହସିଲ ଅନ୍ତର୍ଗତ ମଦନପୁର ଗ୍ରାମରେ ହୋଇଥିବା ବେଆଇନ ମାଙ୍କଡ଼ାପଥର କ୍ୱାରୀର ଶୁଣାଣି କରି ଜାତୀୟ ଗ୍ରୀନ ଟ୍ରିବ୍ୟୁନାଲ (ପୂର୍ବ ଜୋନ୍) ଏହା ଦ୍ୱାରା ହୋଇଥିବା ପରିବେଶୀୟ କ୍ଷତିପୂରଣ ସଂପୃକ୍ତ କମ୍ପାନୀଠାରୁ ଆଦାୟ କରିବାକୁ କମିଟିକୁ ଆଦେଶ ଦେବା ସହ କେସକୁ ବନ୍ଦ କରିଛନ୍ତି। ଏନେଇ କମ୍ପାନୀକୁ ସୁଯୋଗ ଦେଇ ତା’ର ପକ୍ଷକୁ ଶୁଣି ଆଦାୟ କରିବାକୁ କୁହାଯାଇଛି। ଏନ୍ଜିଟି କେସ୍ ନମ୍ବର ୪/୨୩ର ଶୁଣାଣି କରି ଏଭଳି ଆଦେଶ କରିଥିବା ଆଇନଜୀବୀ ଶଙ୍କର ପ୍ରସାଦ ପାଣି କହିଛନ୍ତି।
ପ୍ରକାଶ ଯେ, ଏନ୍ଜିଟିଙ୍କ ଆଦେଶ କ୍ରମେ କମିଟି ପକ୍ଷରୁ ଏକ ବୈଠକ ୩୦.୧୧.୨୦୨୨ରେ ବସିଥିଲା। କିନ୍ତୁ ଏହି ବୈଠକରେ କମ୍ପାନୀ ପକ୍ଷରୁ କେହି ଉପସ୍ଥିତ ରହି ନିଜର ପକ୍ଷ ରଖି ନ ଥିଲେ। ଏଣୁ ଉକ୍ତ ପରିବେଶୀୟ କ୍ଷତିପୂରଣ ଅର୍ଥକୁ କମ୍ପାନୀଠାରୁ ଆଦାୟ କରିବାକୁ ଟ୍ରିବ୍ୟୁନାଲ ଆଦେଶ କରିଛନ୍ତି।