ନୂଆଦିଲ୍ଲୀ,୭ ।୮: ସ୍ୱାଧିନତା ଦିବସ ପୂର୍ବରୁ ରାଷ୍ଟ୍ରୀୟ ଯାଞ୍ଚ ଏଜେନ୍ସି(ଏନଆଇଏ)କୁ ବଡ ସଫଳତା ମିଳିଛି । ରାଜଧାନୀ ଦିଲ୍ଲୀର ବାଟଲା ହାଉସରୁ ଆତଙ୍କବାଦୀ ସଙ୍ଗଠନ ଆଇଏସ ସହ ଜଡିତ ଜଣେ ସନ୍ଦିଗ୍ଧ ସଦସ୍ୟଙ୍କୁ ଏନଆଇଏ ଗିରଫ କରିଛି ।
ଗିରଫ ସନ୍ଦିଗ୍ଧ ହେଲେ ଆଇଏସର କଟ୍ଟର ଓ ସକ୍ରିୟ ସଦସ୍ୟ । ଗିରଫ ସନ୍ଦିଗ୍ଧଙ୍କ ନାମ ମୋହସିନ ଅହମଦ ବୋଲି ଜଣାପଡିଛି । ସେ ବିହାର ବାସିନ୍ଦା । ସେ ଆଇଏସର ଅନଲାଇନ ପ୍ରୋପେଗେଣ୍ଡା ଚଳାଉଥିଲେ । କିଛିଦିନ ହେବ ସେ ବାଟଲା ହାଉସରେ ରହୁଥିଲେ । କୁହାଯାଉଛି କି ଭାରତ ଓ ବିଦେଶରେ ଆଇଏସକୁ ସହାନୁଭୁତି ଦେଉଥିବା ଲୋକଙ୍କଠାରୁ ସେ ଫଣ୍ଡ ଏକାଠି କରୁଥିଲେ । ଏଥିପାଇଁ ସେ କ୍ରେପ୍ଟୋକରେନ୍ସିର ବ୍ୟବହାର କରୁଥିଲେ । ଫଣ୍ଡ ଏକାଠି କରିବା ଅଭିଯୋଗରେ ତାଙ୍କୁ ଗିରଫ କରାଯାଇଛି । ଏନଆଇଏ ଟିମ ବାଟଲାସ୍ଥିତ ଅହମଦଙ୍କ ଘରେ ଚଢାଉ କରିଛନ୍ତି । ଏହି ସମୟରେ ତାଙ୍କ ଘରୁ ଅନେକ ଆପତ୍ତିଜନକ ତଥ୍ୟ ମିଳିଛି । ଏବେ ଯାଞ୍ଚ ଜାରି ରହିଛି ।