ଶ୍ରୀନଗର,୧୪।୩: ଜମ୍ମୁ-କଶ୍ମୀରର ଅନେକ ସ୍ଥାନରେ ମଙ୍ଗଳବାର ସକାଳୁ ଏନ୍ଆଇଏ ଚଢାଉ ହୋଇଛି। ଶ୍ରୀନଗର, ଶୋପିଆନ, ପୁଲୱାମା, ଅନନ୍ତନାଗ ଏବଂ କୁଲଗାମ ସମେତ କାଶ୍ମୀରର ଅନେକ ସ୍ଥାନରେ ଏନଆଇଏ ଟିମ ଚଢାଉ କରୁଛନ୍ତି। ଏହି ଚଢାଉ ଆତଙ୍କବାଦୀ ପାଣ୍ଠି ଏବଂ ଅନ୍ୟାନ୍ୟ ଆତଙ୍କବାଦୀ କାର୍ଯ୍ୟକଳାପ ସହ ଜଡିତ। ଜମାତ-ଇ-ଇସଲାମି (ଜେଇ) ସହ ଜଡିତ ଅଧିକାଂଶ ଲୋକଙ୍କ ଘର ଉପରେ ଚଢାଉ କରାଯାଉଛି।
ସୂଚନା ଅନୁଯାୟୀ, ଶୋପିଆନ ଜିଲାର ୱାଚି ଅଞ୍ଚଳରେ ଏନଆଇଏ ଟିମ ଚଢାଉ କରିଥିଲା। ଏଥିସହ ପୁଲୱାମା ଜିଲାର ନେହମା ଲିଟର ଏବଂ କୁଲଗାମ ଜିଲାର ଫ୍ରେସଲ ଅଞ୍ଚଳରେ ମଧ୍ୟ ଚଢାଉ ଜାରି ରହିଛି। ଏନେଇ ଏକ ଟିମ ମଧ୍ୟ ଅନନ୍ତନାଗର ଅଚାବାଲ ଜିଲାରେ ପହଞ୍ଚିଛି।