ଲଣ୍ଡନ/ନୂଆଦିଲ୍ଲୀ,୧୮।୪: ବ୍ରିଟେନର ରାଜଧାନୀ ଲଣ୍ଡନରେ ଭାରତୀୟ ହାଇ କମିଶନଙ୍କ ସାମ୍ନାରେ ହୋଇଥିବା ପ୍ରଦର୍ଶନ ମାମଲାର ଯାଞ୍ଚ ଏବେ କେନ୍ଦ୍ରୀୟ ଯାଞ୍ଚ ଏଜେନ୍ସି ଏନଆଇଏ କରିବ। ସୂଚନାଯୋଗ୍ୟ, ପ୍ରଦର୍ଶନ ମାମଲାରେ ପାକିସ୍ତାନ ଓ ଖଲିସ୍ତାନ ସମର୍ଥକ ଜଡିତ ଥିବା ଇନପୁଟ ମିଳିଛି। ଏହାପରେ ଏନଆଇଏ, ଦିଲ୍ଲୀ ପୋଲିସର ସ୍ପେଶାଲ ସେଲ ଦ୍ୱାରା ଦାୟର କରାଯାଇଥିବା ମାମଲାକୁ ଟେକଓଭର କରିଛି।
ମିଳିଥିବା ସୂଚନା ଅନୁଯାୟୀ,କେନ୍ଦ୍ର ସ୍ବରାଷ୍ଟ୍ର ମନ୍ତ୍ରଣାଳୟ ଏନଆଇଏକୁ ମାମଲା ଦାୟର କରିବାକୁ ଗ୍ରୀନ ସିଗନାଲ ମିଳିଛି। ହେଲେ ଏନଆଇଏ ପକ୍ଷରୁ ଏହି ମାମଲା ସମ୍ପର୍କରେ ଅଫିସିୟାଲି କୌଣସି ସୂଚନା ଦିଆଯାଇନାହିଁ। ସୂଚନାଯୋଗ୍ୟ, ୧୯ ମାର୍ଚ୍ଚରେ ଲଣ୍ଡନରେ ଥିବା ଭାରତୀୟ ହାଇକମିଶନ ବାହାରେ ବିରୋଧ ପ୍ରଦର୍ଶନ କରାଯାଇଥିଲା। ଏହି ସମୟରେ ତ୍ରିରଙ୍ଗାର ବି ଅପମାନ ହୋଇଥିବା ଦେଖାଯାଇଥିଲା। ଏହି ଘଟଣା ପରେ ସ୍ବରାଷ୍ଟ୍ର ମନ୍ତ୍ରଣାଳୟର ନିର୍ଦ୍ଦେଶରେ ଦିଲ୍ଲୀ ପୋଲିସର ସ୍ପେଶାଲ ସେଲ ଖଲିସ୍ତାନ ଓ ଏହାର ସମର୍ଥକଙ୍କ ବିରୋଧରେ ୨୪ ମାର୍ଚ୍ଚରେ ମାମଲା ଦାୟର କରିଥିଲେ। ମାମଲା ଭାରତୀୟ ଦଣ୍ଡ ସଂହିତା(ଆଇପିଏସ), ୟୁଏପିଏ ଓ ପିଡିପିପି ଆକ୍ଟ ଆଧାରରେ ଦାୟର କରାଯାଇଥିଲା।