ମୁମ୍ବାଇ, ୩।୬: ଲୋକସଭା ନିର୍ବାଚନ ପାଇଁ ଏକଜିଟ୍ ପୋଲ୍ ଆକଳନ ପରେ ଶେୟାର ବଜାରରେ ଜବରଦସ୍ତ ଉତ୍ସାହ ଦେଖିବାକୁ ମିଳିଛି। ସୋମବାର ବଜାର ଖୋଲିବା ମାତ୍ରେ ବମ୍ବେ ଷ୍ଟକ ଏକ୍ସଚେଞ୍ଜ ସୁଚକାଙ୍କ ସେନସେକ୍ସ ୨,୬୨୧.୯୮ ପଏଣ୍ଟ କିମ୍ବା ୩.୫୫ ପ୍ରତିଶତ ବୃଦ୍ଧି ସହିତ ୭୬,୫୮୩ ସ୍ତରରେ ପହଞ୍ଚିଥିଲା। ବର୍ତମାନ ପର୍ଯ୍ୟନ୍ତ ଏହା ସେନସେକ୍ସର ସର୍ବକାଳୀନ ସର୍ବୋଚ୍ଚ ସ୍ତର ଅଟେ।
ଏହା ବ୍ୟତୀତ, ନ୍ୟାସନାଲ ଷ୍ଟକ ଏକ୍ସଚେଞ୍ଜ ସୁଚକାଙ୍କ ନିଫ୍ଟି ୮୦୭.୨୦ ପଏଣ୍ଟ କିମ୍ବା ୩.୫୮ ପ୍ରତିଶତ ବୃଦ୍ଧି ସହିତ ୨୩,୩୩୭.୯୦ ରେ ଖୋଲିଛି। ଫଳରେ ଶେୟାର ବଜାର ଐତିହାସିକ ସ୍ତରରେ ଖୋଲିଛି।
ବିଏସଇର ବଜାର ପୁଞ୍ଜି ୪୨୩.୯୪ ଲକ୍ଷ କୋଟି ଟଙ୍କାକୁ ଖସି ଆସିଥିବାବେଳେ ଶୁକ୍ରବାର ଦିନ ଏହା ୪୧୨.୨୩ ଲକ୍ଷ କୋଟି ଟଙ୍କା ହୋଇଛି। ଅର୍ଥାତ୍ ବଜାର ଖୋଲିବା ମାତ୍ରେ ନିବେଶକଙ୍କ ଆୟ ୧୧ ଲକ୍ଷ କୋଟିରୁ ଅଧିକ ବୃଦ୍ଧି ପାଇଛି। ଈଝଋ ରେ ୩୧୦୦ ସେୟାର କାରବାର କରୁଛି ଯେଉଁଥିରୁ ୨୬୭୦ ସେୟାର ବୃଦ୍ଧି ପାଇଥିଲା ବେଳେ ୩୨୮ ଟି ସେୟାର ହ୍ରାସ ପାଉଛି ଏବଂ ୧୦୨ ଟି ସେୟାର ବିନା ପରିବର୍ତ୍ତନରେ କାରବାର କରୁଛି।
ପ୍ରି-ଓପନିଂରେ ସେନ୍ସେକ୍ସରେ ୨୦୦୦ ପଏଣ୍ଟର ବୃଦ୍ଧି ଦେଖିବାକୁ ମିଳିଛି। ପ୍ରି-ଓପନିଂରେ ୨୦୦୦ ପଏଣ୍ଟର ବୃଦ୍ଧିରୁ ଏହା ସ୍ପଷ୍ଟ ହୋଇଛି ଯେ ଏକଜିଟ୍ ପୋଲ୍ ପରେ ଆଜି ବଜାର ପାଇଁ ଏକ ବଡ଼ ଦିନ। ୨୫୯୬ ପଏଣ୍ଟ କିମ୍ବା ୩.୫୧ ପ୍ରତିଶତ ବୃଦ୍ଧି ପରେ ସେନସେକ୍ସ ୭୬୫୫୭ ସ୍ତରରେ କାରବାର କରୁଛି। ଏନଏସଇ ର ନିଫ୍ଟି ୨୩,୩୩୭.୬୦ ସ୍ତରରେ ଥିଲା, ଯାହା ୮୦୬.୯୦ ପଏଣ୍ଟ କିମ୍ବା ୩.୫୮ ପ୍ରତିଶତ ବୃଦ୍ଧି ପାଇଛି।
୨୦୧୯ ରେ, ଯେତେବେଳେ ଏକଜିଟ୍ ପୋଲ୍ ୩୦୦ ରୁ ଅଧିକ ଆସନରେ ଭାଜପାର ବିଜୟର ପୂର୍ବାନୁମାନ କରିଥିଲା, ସେୟାର ବଜାରରେ ୧.୪୫ ପ୍ରତିଶତ ବୃଦ୍ଧି ଦେଖିବାକୁ ମିଳିଥିଲା।
