ଐତିହାସିକ ସ୍ତରରେ ଭାରତୀୟ ଶେୟାର ବଜାର, ସର୍ବକାଳୀନ ଉଚ୍ଚତା ଛୁଇଁଲା ନିଫ୍ଟି

ନୂଆଦିଲ୍ଲୀ,୧।୪: ଏପ୍ରିଲ ପ୍ରଥମ ସପ୍ତାହର ପ୍ରଥମ ଦିନରୁ ଭାରତୀୟ ଶେୟାର ବଜାର ଏକ ଶକ୍ତିଶାଳୀ ଆରମ୍ଭ କରିଛି ଏବଂ ନୂତନ ଆର୍ଥିକ ବର୍ଷର ପ୍ରଥମ ଦିନରେ ଜବରଦସ୍ତ ଉତ୍ସାହ ଦେଖିବାକୁ ମିଳିଛି। ବଜାର ଖୋଲିବା ମାତ୍ରେ ୭୪,୧୦୧ ର ଏକ ଉଚ୍ଚ ସ୍ତରରେ ପହଞ୍ଚିଛି। ବଜାର ଖୋଲିବାର ୨୦ ମିନିଟ୍ ମଧ୍ୟରେ, ସେନ୍ସେକ୍ସ ଏବଂ ନିଫ୍ଟି ଏକ ନୂତନ ରେକର୍ଡ ସୃଷ୍ଟି କରିଛି ଏବଂ ଏହି ଉଭୟ ସୂଚକାଙ୍କ ସର୍ବକାଳୀନ ଉଚ୍ଚରେ ପହଞ୍ଚିଛି।

ନ୍ୟାସନାଲ ସ୍ଟକ ଏକ୍ସଚେଞ୍ଜ ନିଫ୍ଟି ୨୨,୫୨୯.୯୫ ପଏଣ୍ଟ ଛୁଇଁବା ସହିତ ଏକ ନୂତନ ରେକର୍ଡରେ ପହଞ୍ଚିଛି ଏବଂ ବମ୍ବେ ଷ୍ଟକ ଏକ୍ସଚେଞ୍ଜର ସେନ୍ସେକ୍ସ ୭୪,୨୫୪.୬୨ ର ଏକ ନୂତନ ରେକର୍ଡରେ ପହଞ୍ଚିଛି। ଏହି ଉଭୟ ସୂଚକାଙ୍କ ବର୍ତ୍ତମାନ ନିଜସ୍ୱ ସର୍ବକାଳୀନ ଉଚ୍ଚ ଜୋନ୍ ପରିସର ମଧ୍ୟରେ କାରବାର କରୁଛି।

ଭାରତୀୟ ବଜାରର ଷୋମବାର ଉଦଘାଟନ ୩୧୭.୨୭ ପଏଣ୍ଟ କିମ୍ବା ୦.୪୩ ପ୍ରତିଶତ ବୃଦ୍ଧି ସହିତ ୭୩,୯୬୮ ସ୍ତରରେ ଆରମ୍ଭ ହୋଇଛି ଏବଂ ନିଫ୍ଟିରେ କାରବାର ୧୨,୧୦ ପଏଣ୍ଟ କିମ୍ବା ୦.୫୭ ପ୍ରତିଶତ ବୃଦ୍ଧି ସହିତ ୨୨,୪୫୫ ସ୍ତରରେ ଖୋଲିଛି।