ବମ୍ବେ: ଶେଷ ପର୍ଯ୍ୟାୟରେ ପହଞ୍ଚିଛି ବିଗ୍ ବସ୍-୧୪। ଚଳିତ ସପ୍ତାହ ଶେଷ ସପ୍ତାହ ହୋଇଥିବା ବେଳେ ପ୍ରତିଯୋଗୀମାନେ ଫାଇନାଲରେ ପହଞ୍ଚିବା ପାଇଁ ଯଥାସମ୍ଭବ ଚେଷ୍ଟା କରୁଛନ୍ତି। ହେଲେ ଗୋଟିଏ ପରେ ଗୋଟିଏ ପ୍ରତିଯୋଗୀ ଶୋ’ରୁ ବାହାରୁଥିବା ନଜର ଆସୁଛନ୍ତି। କିଛିଦିନ ତଳେ ବାହାର ହୋଇଥିଲେ ଦେବୋଲିନା ଭଟ୍ଟାଚାର୍ଯ୍ୟ। ଏହାପରେ ପାଞ୍ଚଜଣ ବାକି ଥିଲେ। ମାତ୍ର ଏବେ ଘରୁ ଅନ୍ୟତମ ପ୍ରତିଯୋଗୀ ନିକ୍କି ତମ୍ବୋଲି ବାହାରିଥିବା ନେଇ ଚର୍ଚ୍ଚା ହେଉଛନ୍ତି।
ବିଗ୍ବସ୍ରେ ମିଡ୍ ଉଇକ୍ ଏଭିକ୍ସନ ହେବାକୁ ଯାଉଛି। କଥିତ ଭାବେ ଏଥିରେ ଜଣେ ପ୍ରତିଯୋଗୀ ବାହାର ହେବେ। ଏଥିଲାଗି ତାଙ୍କୁ ମୋଟା ଅଙ୍କ ମଧ୍ୟ ଦିଆଯିବ। ନିକ୍କି ହିଁ ସେହି ବୋଲି କୁହାଯାଉଛି। ତାଙ୍କୁ ୬ଲକ୍ଷ ଟଙ୍କା ଦିଆଯାଉଛି। ଏହି ଟଙ୍କା ନେଇ ସେ ଅଧାରୁ ଶୋ’ ଛାଡ଼ି ଚାଲିଯିବେ ବୋଲି ବିକଳ୍ପ ଦିଆଯାଉଛି। ନିକ୍କି ଏହାକୁ ଗ୍ରହଣ କରି ବିଗ୍ ବସ୍ ଛାଡ଼ିଥିବା ସୋସିଆଲ ମିଡିଆରେ ଘୁରି ବୁଲୁଛି। ଆଧିକାରୀକ ଭାବେ ଏହା ସ୍ପଷ୍ଟ ହୋଇ ନ ଥିଲେ ବି ଏହା ସତ ବୋଲି ଅନେକେ କହୁଛନ୍ତି।