ବେଙ୍ଗାଲୁରୁ,୯ ।୩: ଆମେରିକା ବାୟୁସେନାର ସି-୧୭ ବିମାନ ବୁଧବାର ବେଙ୍ଗାଲୁରୁରେ ପହଞ୍ଚିଛି ଓ ନାସା-ଇସ୍ରୋ ସିନ୍ଥେଟିକ ଏପର୍ଚର ରାଡାର (NISAR) କୁ ଭାରତୀୟ ମହାକାଶ ଏଜେନ୍ସିକୁ ହସ୍ତାନ୍ତର କରିଛି । ଏହାକୁ ଆମେରିକା–ଭାରତ ସମ୍ପର୍କ ମଧ୍ୟରେ ଏକ ଦୃଢ ସେତୁ ବୋଲି କୁହାଯାଉଛି । ଏହାକୁ ନାସା ଓ ଭାରତୀୟ ମହାକାଶ ଗବେଷଣା କେନ୍ଦ୍ର ମିଳିତ ଭାବେ ପ୍ରସ୍ତୁତ କରିଛନ୍ତି ।
ଆମେରିକାର ମହାବାଣିଜ୍ୟିକ ଦୂତାବାସ ଟୁଇଟ କରିଛନ୍ତି, ନିସାର ଉପଗ୍ରହ ବେଙ୍ଗାଲୁରୁ ପହଞ୍ଚିଛି । ଇସ୍ରୋ କାଲିଫର୍ନିଆରେ ନାସାରୁ ପୃଥିବୀକୁ ଅବଲୋକନ କରୁଥିବା ସାଟେଲାଇଟ ପ୍ରାପ୍ତ କରିଛି, ଯାହାକୁ ଆମେରିକା ବାୟୁସେନାର ସି-୧୭ ବିମାନରେ ଭାରତରେ ପହଞ୍ଚାଯାଇଛି । ଏହ ଦୁଇ ଦେଶ ମଧ୍ୟରେ ଅନ୍ତରିକ୍ଷ ବା ମହାକାଶ ସହଯୋଗର ଏକ ସଚ୍ଚା ପ୍ରତିକ ।
ନିସାର ହେଉଛି ଏକ ଉପଗ୍ରହ ଯାହା ପୃଥିବୀ ପୃଷ୍ଠକୁ ସମ୍ପୂର୍ଣ୍ଣ ବିଶ୍ଳେଷର କରି ତଥ୍ୟ ପ୍ରସ୍ତୁତ କରିବ । ଏହା କୃଷି ମ୍ୟାପିଂ ଏବଂ ଭୂସ୍ଖଳନ ପ୍ରବଣ ସ୍ଥାନ ଗୁଡିକ ସହିତ ବିଭିନ୍ନ ଉଦ୍ଦେଶ୍ୟରେ ବ୍ୟବହାର କରାଯିବ । ଏହି ଉପଗ୍ରହ ୨୦୨୪ରେ ଆନ୍ଧ୍ର ପ୍ରଦେଶରେ ସତୀଶ ଧୱନ ମହାକାଶ କେନ୍ଦ୍ରରୁ ଉତକ୍ଷେପଣ କରାଯିବ ବୋଲି ଆଶା କରାଯାଉଛି । ନ୍ୟୁଜ ଏଜେନ୍ସି ଏଏନଆଇର ରିପୋର୍ଟ ଅନୁଯାୟୀ, ଏହି ଉପଗ୍ରହ ଅତିକମରେ ୩ ବର୍ଷ କାମ କରିବ । ନିସାର ୧୨ ଦିନ ମଧ୍ୟରେ ସମଗ୍ର ବିଶ୍ୱର ମାନଚିତ୍ର ପ୍ରସ୍ତୁତ କରିବ ।
Touchdown in Bengaluru! @ISRO receives NISAR (@NASA-ISRO Synthetic Aperture Radar) on a @USAirforce C-17 from @NASAJPL in California, setting the stage for final integration of the Earth observation satellite, a true symbol of #USIndia civil space collaboration. #USIndiaTogether pic.twitter.com/l0a5pa1uxV
— U.S. Consulate General Chennai (@USAndChennai) March 8, 2023
