ନୂଆଦିଲ୍ଲୀ,୨୯।୮: ଚଳିତ ଟୋକିଓ ଅଲିମ୍ପିକ୍ସରେ ରବିବାର ଭାରତକୁ ମିଳିଛି ଦ୍ୱିତୀୟ ରୌପ୍ୟ ପଦକ। ନିଷାଦ କୁମାର ପୁରୁଷ ହାଇଜମ୍ପ ଟି୪୭ ଇଭେଣ୍ଟରେ ରୌପ୍ୟ ପଦକ ହାତେଇଛନ୍ତି। ସେ ତାଙ୍କର ୮ମ ଉଦ୍ୟମରେ ୨.୦୬ ମିଟର ଉଚ୍ଚତା ହାସଲ କରିଥିଲେ। ଏଥିସହ ସେ ନୂଆ ଏସିଆନ୍ ରେକର୍ଡ ପ୍ରତିଷ୍ଠା କରିଛନ୍ତି। ତାଙ୍କ ପୂର୍ବରୁ ଟେବୁଲ ଟେନିସ ଖେଳାଳି ଭାବିନାବେନ ପଟେଲ ଭାରତକୁ ଦେଇଥିଲେ ପ୍ରଥମ ପଦକ।
ନିଷାଦଙ୍କ ଏଭଳି ସଫଳତା ପାଇଁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଟୁଇଟ୍ କରି ଶୁଭେଚ୍ଛା ଜଣାଇଛନ୍ତି। “ଟୋକିଓରୁ ଆହୁରି ଭଲ ଖବର ଆସିଛି। ନିଶାଦ କୁମାର ପୁରୁଷ ହାଇଜମ୍ପ ଟି୪୭ ଇଭେଣ୍ଟରେ ରୌପ୍ୟ ପଦକ ଜିତିଥିବାରୁ ଖୁବ୍ ଆନନ୍ଦିତ। ସେ ଜଣେ ଉଲ୍ଲେଖନୀୟ ଆଥ୍ଲେଟ ଓ ତାଙ୍କ ନିକଟରେ ଚମତ୍କାର ଦକ୍ଷତା ରହିଛି। ତାଙ୍କୁ ଅନେକ ଅନେକ ଶୁଭେଚ୍ଛା” ବୋଲି ପ୍ରଧାନମନ୍ତ୍ରୀ ମୋଦି ଟୁଇଟ୍ କରିଛନ୍ତି।
