କାହାର ନିଶା ତ କାହାର ପେସା ମଡେଲିଂ। ଏଥିପାଇଁ ଆବଶ୍ୟକ ପଡ଼ିଥାଏ ସୁନ୍ଦର ଚେହେରା ସାଙ୍ଗକୁ ବ୍ୟକ୍ତିତ୍ୱ। ମଡେଲିଂରେ ସଫଳ ହେବା ପାଇଁ ଅନେକ ସଘର୍ଷ କରିଥାନ୍ତି। ହେଲେ ଏବେ ଜଣେ ଅବସର ପରେ ମଡେଲିଂକୁ ନେଇ ଚର୍ଚ୍ଚାରେ। ସେ ହେଲେ ନିତୀନ ମେହତା। ଭାରତୀୟ ସେନାରେ ଦୀର୍ଘ ୨୧ ବର୍ଷ ଧରି କାମ କରିବା ପରେ ଏବେ ସେ ମଡେଲିଂରେ ବଡ-ବଡ ମଡେଲଙ୍କୁ ଟକ୍କର ଦେଉଛନ୍ତି।
ସେନା ଅଫିସର ନିତୀନ ୨୦୧୬ରେ ଅବସର ନେଇଥିଲେ। ଏହାପରେ ସେ ମଡେଲିଂରେ ନିଜର କ୍ୟାରିୟର ଆରମ୍ଭ କରିଥିଲେ। ଏବେ ସେ ଜଣେ ପେସାଦାର ମଡେଲ ପାଲଟିଛନ୍ତି। ନିଜର ଇନ୍ଷ୍ଟାଗ୍ରାମରେ ସେ ଲେଖିଛନ୍ତି, ୨୧ ବର୍ଷ ସେନାରେ ଦେଶକୁ ସେବା ଦେବା ପରେ ମେ‘ ୨୦୧୬ରେ ଛାଡ଼ିଦେଇଛି। ଜୀବନରେ କିଛି ନୂଆ ବାଛିଛନ୍ତି। ଗତ ୩ ବର୍ଷ ମଧ୍ୟରେ ସେ ନିଜ ପରିବାର ଏବଂ ବନ୍ଧୁମାନଙ୍କ ସମର୍ଥନ ଲାଗି ନୂଆ ଅଧ୍ୟାୟ ଆରମ୍ଭ କରିବାକୁ ଯାଉଛି। ସମସ୍ତଙ୍କୁ ଧନ୍ୟବାଦ ବୋଲି ସେ କହିଛନ୍ତି।
ନିତୀନ ଦିପିକାଙ୍କ ସହ ତନିସ୍କର ଅଳଙ୍କାର ବିଜ୍ଞାପନରେ ଆସିଛନ୍ତି। ଏହାଛଡ଼ା ଅନେକ ବ୍ରାଣ୍ଡ ପାଇଁ ସେ ମଡେଲ ଭାବେ କାମ କରୁଛନ୍ତି। ଆର୍ମୀରେ ସେ ବିନା ଦାଢ଼ିରେ ରହୁଥିବା ବେଳେ ଏବେ ସେ ଦାଢ଼ୀ ରଖୁଛନ୍ତି। ଏହାଛଡ଼ା ସେ ଫିଟ୍ନେସକୁ ନେଇ ବେଶ୍ ସଚେତନ ରହିଥାନ୍ତି। ଜିମ୍ରେ ବ୍ୟାୟାମ କରିବା ସମୟର ଏକାଧିକ ଭିଡିଓ ସେ ଶେୟାର କରିଥାନ୍ତି।