ପାଟନା,୭।୯: ପାଖେଇ ଆସୁଛି ବିହାର ବିଧାନସଭା ନିର୍ବାଚନ। ଏହାକୁ ଦୃଷ୍ଟିରେ ରଖି ବିହାର ମୁଖ୍ୟମନ୍ତ୍ରୀ ନୀତୀଶ କୁମାର ସୋମବାର ଏକ ଭର୍ଚୁଆଲ ରାଲି ମାଧ୍ୟମରେ ନିର୍ବାଚନ ବିଗୁଲୁ ଫୁଙ୍କି ଦେଇଛନ୍ତି। ଏଥିରେ ସେ କହିଛନ୍ତି କରୋନା ସଂକ୍ରମଣକୁ ଦେଖି ଆମେ କେନ୍ଦ୍ର ସରକାରଙ୍କ ପୂର୍ବରୁ ଲକ୍ଡାଉନ ଆରମ୍ଭ କରି ଦେଉଥିଲୁ। ଏବେ ଅନ୍ଲକ୍ ଆରମ୍ଭ ହୋଇ ସାରିଛି। ଏବେ ରାଜ୍ୟ କେନ୍ଦ୍ର ସରକାରଙ୍କ ସମସ୍ତ ନିୟମ ପାଳନ କରୁଛି। ନୀତୀଶ ତାଙ୍କ ରାଲିରେ କହିଛନ୍ତି ୧୫ ବର୍ଷ ପର୍ଯ୍ୟନ୍ତ ବିହାରରେ ପତ୍ନୀ-ପତିଙ୍କ ରାଜ ଜାରି ରହିଥିଲା। ସାମୁହିକ ନରସଂହାର ମଧ୍ୟ ହେଉଥିଲା। ପ୍ରଥମେ ଲୋକେ ସାକ୍ଷୀ ଦେବାକୁ ଡରୁଥିଲେ ଏବେ କିନ୍ତୁ ଲୋକେ ସାକ୍ଷୀ ଦେବାକୁ ରାଜି ହେଉଛନ୍ତି। ଏବେ ଅପରାଧ ଗ୍ରାଫ ତଳକୁ ଖସିଛି। ୨୦୦୫ରେ ଶାସନ ଗାଦିରେ ବସିବା ପରେ ଅପରାଧ କମ୍ କରିବାକୁ ଚେଷ୍ଟା କରୁଥିବା ନୀତୀଶ କହିଛନ୍ତି। ଏସବୁ ପରେ କେନ୍ଦ୍ର ସରକାରଙ୍କ ସହଯୋଗ ପରେ ବି ରାଜ୍ୟ ସରକାର ସର୍ବଦା ଜନସାଧାରଣଙ୍କ ହିତ ପାଇଁ କାମ କରୁଥିବା ନୀତୀଶ କହିଛନ୍ତି।