କୋରାପୁଟ,୩ା୪(ସ୍ବ.ପ୍ର.): କୋରାପୁଟ ରେଲୱେ ଷ୍ଟେସନ ଜିଲାର ଏକ ପ୍ରମୁଖ ରେଳ ଷ୍ଟେସନ। ବିଶେଷ କରି ଏଠାରୁ କୋରାପୁଟ, ମାଲକାନାଗରି, ନବରଙ୍ଗପୁର ଜିଲାର ବହୁ ସଂଖ୍ୟାରେ ଯାତ୍ରୀ ଭୁବେନେଶ୍ୱର, କଲକୋତା, ବିଶାଖାପାଟଣା , ବିଜୟନଗର, କିରୋଣ୍ଡଲ, ଜଗଦଲପୁର, ରାୟଗଡା, ରାଉଲକେଲା, ସମ୍ବଲପୁର ଆଦି ଅଞ୍ଚଳକୁ ଟ୍ରେନରେ ଯାତାୟାତ କରିଥାନ୍ତି। ମାତ୍ର ୨ମାସ ହେଲା କୋରାପୁଟ ଷ୍ଟେସନର ୧ନଂ. ପ୍ଲାଟଫର୍ମ ୧ରେ ସବୁ ଯାତ୍ରୀବାହୀ ଟ୍ରେନ ରହୁ ନ ଥିବାରୁ ଯାତ୍ରୀମାନେ ହଇରାଣ ହେଉଛନ୍ତି। ଏନେଇସେମାନଙ୍କ ମଧ୍ୟରେ ଅସନ୍ତୋଷ ପ୍ରକାଶ ପାଇଛି। ଏ ସମ୍ପର୍କରେ ଇଷ୍ଟକୋଷ୍ଟ ଡିଭିଜନର ମୁଖ୍ୟ ପ୍ରବନ୍ଧକ ବିଶାଖାପାଟଣା ଡିଆରଏମ୍ ଅନୁପ ଶତପଥୀ ଓ ଷ୍ଟେସନ ମାଷ୍ଟରଙ୍କୁ ବାରମ୍ବାର ଜଣାଇଥିଲେ ମଧ୍ୟ ବତ୍ତର୍ର୍ମାନ ସୁଦ୍ଧା ଅସୁବିଧା ଦୂର ହୋଇପାରି ନାହଁି ା ୧ନଂ. ପ୍ଲାଟଫର୍ମରେ କିଛି ମାଲବାହୀ ରହୁଥିବାରୁ ଯାତ୍ରୀବାହୀ ଓ ଏକ୍ସପ୍ରେସ ଟ୍ରେନ ୩ ଓ ୪ ନଂ. ପ୍ଲାଟଫର୍ମରେ ରହୁଛି ା ଦୁରଦୁରାନ୍ତରୁ ଆସୁଥିବା ଯାତ୍ରୀ ଏବଂ ବୃଦ୍ଧା ବୃଦ୍ଧ ଓ ଭିନ୍ନକ୍ଷମ ବ୍ୟକ୍ତିମାନେ ବହୁଅସୁବିଧାର ସମ୍ମୁଖୀନ ହେଉଛନ୍ତି। ଏପରିକି କେତେକ ଯାତ୍ରୀ ରେଳ ଧାରଣା ଉପରେ ଆସୁଥିବା ଦେଖିବାକୁ ମିଳୁଛି। ଫଳରେ ଦୁର୍ଘଟଣା ଘଟିବା ନେଇ ଆଶଙ୍କ ପ୍ରକାଶ ପାଉଛି। ଏବେ କୋରାପୁଟ ରେଳ ଷ୍ଟେସନର ୩ ଓ ୪ ନଂ. ପ୍ଲାଟଫର୍ମରେ ନିର୍ମାଣ କାର୍ଯ୍ୟ ଚାଲୁ ରହିଛି। ପ୍ଲାଟଫର୍ମ ଉପରେ ସିମେଣ୍ଟ ମାଟି , ବାଲି, ପ୍ଲେଟ ଆଦି ପଡିଛି ା ୪ ନଂ. ପ୍ଲାଟଫର୍ମର ଉପର ସେଡ ପଡି ନ ଥିବାରୁ ଯାତ୍ରୀମାନେ ଟ୍ରେନକୁ ଅପେକ୍ଷା କରିବା କଷ୍ଟକର ହେଉଛି। ତୁରନ୍ତ ରେଲୱେ କର୍ତ୍ତୃପକ୍ଷ ଏଥିପ୍ରତି ଦୃଷ୍ଟି ଦେଇ ପଦକ୍ଷେପ ନେବାକୁ ସାମାଜିକ କର୍ମୀ କାମାକ୍ଷା ପ୍ରସାଦ ମାଝି, ଡାକ୍ତର ରତିକାନ୍ତ ଖଟୁଆ, କୋରାପୁଟ ପ୍ରେସ୍ କ୍ଲବ ସଭାପତି ଭବାନୀ ଶଙ୍କର ମିଶ୍ର ପ୍ରମୁଖ ଦାବି କରିଛନ୍ତି।