ନୟାଗଡ଼,୧୬।୬(ଲୋକନାଥ ମିଶ୍ର)ନୟାଗଡ଼ ଜିଲା ମୁଖ୍ୟ ଚିକିତ୍ସାଳୟ ପରିସରରେ ଥିବା ମାତୃ ଶିଶୁ ଚିକିତ୍ସାଳୟର ସ୍ତ୍ରୀ ଓ ପ୍ରସୂତି ୱାର୍ଡରେ ଏସି ନ ଥିବାରୁ ଗ୍ରୀଷ୍ମର ପ୍ରକୋପରେ ସିଜରିଂ ଓ ପ୍ରସୂତି ମହିଳା ଛଟପଟ ହେଉଛନ୍ତି। ସ୍ତ୍ରୀ ଓ ପ୍ରସୂତି ୱାର୍ଡରେ ଶନିବାର ଡାକ୍ତରଙ୍କ ରାଉଣ୍ଡ ଚାଲିଥିବା ବେଳେ ଜଣେ ନର୍ସ ଅଚେତ୍ ହୋଇ ପଡିବା ଦେଖିବାକୁ ମିଳିଛି। ସ୍ତ୍ରୀ ଓ ପ୍ରସୂତି ୱାର୍ଡ ସମେତ ସ୍ତ୍ରୀ ଓ ପ୍ରସୂତି ଡ୍ୟୁଟି ରୁମରେ ଏସି ଲଗାଇବାକୁ ବିଭିନ୍ନ ସମୟରେ ହସ୍ପିଟାଲ ମ୍ୟାନେଜର ଓ ସୁପରିଟେଣ୍ଡେଣ୍ଟଙ୍କ ନିକଟରେ ଦାବି ହୋଇ ଆସୁଥିଲେ ମଧ୍ୟ ସୁଫଳ ମିଳୁନି। ସେପଟେ ଜିଲା ମୁଖ୍ୟ ଚିକିତ୍ସାଳୟର ସର୍ଜରୀ ୱାର୍ଡ, ସେଫ୍ଟିକ ୱାର୍ଡ, ମେଡିସିନ ୱାର୍ଡ, ଶିଶୁ ୱାର୍ଡ, ପୁରୁଣା ଆଉଟଡୋରରୁ ୬୦ରୁ ଊର୍ଦ୍ଧ୍ୱ ଏସି ଗାଏବ ପରେ ଜିଲା ମୁଖ୍ୟ ଚିକିତ୍ସାଳୟର ସୁପରିଟେଣ୍ଡେଣ୍ଟ ଓ ଦୁଇ ହସ୍ପିଟାଲ ମ୍ୟାନେଜରଙ୍କ ଅଡୁଆ ବଢ଼ିବାରେ ଲାଗିଛି। ପ୍ରଶ୍ନ ଉଠୁଛି ମାତୃ ଶିଶୁ ଚିକିତ୍ସାଳୟର ସ୍ତ୍ରୀ ଓ ପ୍ରସୂତି ୱାର୍ଡରେ ଏସି ଲଗାଇବାର ଆବଶ୍ୟକତା ଥିବାବେଳେ ଜିଲା ମୁଖ୍ୟ ଚିକିସତ୍ାଳୟର ସୁପରିଟେଣ୍ଡେଣ୍ଟ ଓ ଦୁଇ ହସ୍ପିଟାଲ ମ୍ୟାନେଜର ଅଣଦେଖା କରି ଚାଲିଛନ୍ତି।
ଅଭିଯୋଗ ଅନୁଯାୟୀ, ମାତୃ ଶିଶୁ ଚିକିତ୍ସାଳୟର ତୃତୀୟ ମହଲାରେ ପ୍ରସୂତି ମହିଳାଙ୍କ ଓ୍ବାର୍ଡ ରହିଛି। ଏଠାରେ ୨୮ଟି ବେଡ୍ ଥିବାବେଳେ ଏସି ବ୍ୟବସ୍ଥା କରାଯାଇନି। ସେହିପରି ୨ୟ ମହଲାରେ ସିଜରିଂ ମହିଳାମାନଙ୍କ ୱାର୍ଡରେ ୨୭ ବେଡ୍ ରହିଛି। ୨ୟ ମହଲାରେ ଏସି ନ ଥିବାବେଳେ ପ୍ରଥମ ମହଲାରେ ଥିବା ସିଜରିଂ ମହିଳାମାନଙ୍କ ୱାର୍ଡ ରେ ଏସି ଲାଗିଛି। ଗୋଟିଏ ୱାର୍ଡରେ ସିଜରିଂ ମହିଳା ଏସିର ସୁବିଧା ପାଉଥିବାବେଳେ ଆଉ ଏକ ୱାର୍ଡରେ ସେମାନଙ୍କୁ ଏସି ବ୍ୟବସ୍ଥା ଦିଆଯାଉନି। ସରକାର ମାତୃ ଓ ଶିଶୁଙ୍କ ପାଇଁ ଅନେକ ଯୋଜନା କରୁଥିବାବେଳେ ଜିଲା ମୁଖ୍ୟ ଚିକିସତ୍ାଳୟର ମାତୃ ଓ ଶିଶୁ ଚିକିସତ୍ାଳୟରେ ଏସିର ସୁବିଧା ନ ଥିବାରୁ ସିଜରିଂ ଓ ପ୍ରସୂତି ମହିଳା ହଟହଟା ହୋଇ ଆସୁଛନ୍ତି।
ଅଂଶୁଘାତ ଚିକିତ୍ସା କକ୍ଷରେ ତାଲା
ଗ୍ରୀଷ୍ମର ପ୍ରକୋପ ବଢ଼ି ଚାଲିଥିବାବେଳେ ଅଂଶୁଘାତ ଚିକିତ୍ସା କକ୍ଷରେ ତାଲା ଝୁଲୁଛି। ଏଠାରେ ନିୟୋଜିତ ନର୍ସଙ୍କୁ ପଚାରିଲେ ଉତ୍ତର ମଳୁଛି ଚାବି ତଳେ ରହି ଯାଇଛି ପରେ ଆଣିବୁ। ଅଂଶୁଘାତ ଚିକିସତ୍ା କକ୍ଷରେ ୬ଟି ବେଡ୍ ଥିବା କୁହାଯାଉଛି। ହେଲେ ବେଡ୍ର କିଭଳି ସ୍ଥିତି ଅଛି ଜଣାପଡୁନି। ଭିତରେ ଏସି ବ୍ୟବସ୍ଥା ଅଛି କି ନାହିଁ ଜଣାପଡୁନି। ୧୦୦ ବେଡ୍ ବିଶିଷ୍ଟ ହସ୍ପିଟାଲରେ ନାମ ଫଳକରେ ଥିବା ଅଂଶୁଘାତ ଚିକିସତ୍ା କେନ୍ଦ୍ରର ସୂଚନା ଅନୁସାରେ ଅଂଶୁଘାତ ଚିକିସତ୍ା କେନ୍ଦ୍ର ଖୋଜିଲେ ମିଳୁ ନ ଥିଲା। ଏବେ କିଛି ଦିନ ହେଲା ଡାଇରିଆ ୱାର୍ଡ ସମ୍ମୁଖରେ ଅଂଶୁଘାତ ଚିକିସତ୍ା କେନ୍ଦ୍ରର ଏକ ବ୍ୟାନର ଝୁଲୁଛି। ଅଂଶୁଘାତ ରୋଗୀ କେଉଁଠି ଚିକିତ୍ସିତ ହେଉଛନ୍ତି ତାର ଟେର ମିଳୁନି ।
ଡାଇରିଆ ୱାର୍ଡରେ ଏସି ଲାଗୁନି
ଡାଇରିଆ ୱାର୍ଡ ୨ୟ ମହଲାରେ ହୋଇଥିଲେ ମଧ୍ୟ ଏଠାରେ ନାମ ଫଳକ ଲାଗିନି। ଅଂଶୁଘାତ ଚିକିସତ୍ା କେନ୍ଦ୍ର ଓ ଡାଇରିଆ ୱାର୍ଡ ମୁହଁମୁହିଁ ହୋଇ ରହିଛି। ଡାଇରିଆ ୱାର୍ଡରେ ଅଧିକାଂଶ ସମୟ ଏସି ଲଗା ଯାଉନି ବୋଲି ଅଭିଯୋଗ ଉଠିଛି। ଏସି ଅନ୍ ନ କରି କବାଟ ଝରକା ଖୋଲି ରହିବାକୁ ପରାମର୍ଶ ଦିଆଯାଉଛି। ପଚାରିଲେ କୁହାଯାଉଛି ବ୍ୟସ୍ତ କାହିଁକି ହେଉଛ ଏସି ଲାଗିବ। ଅନ୍ୟପକ୍ଷେ କବାଟ ଝରକା ଖୋଲା ରହିଲେ କ’ଣ ଏସି ଲାଗି ପାରିବ କହି ରୋଗୀଙ୍କ ଅଭିଯୋଗକୁ ଦାବି ଦିଆଯାଉଛି ବୋଲି ଅଭିଯୋଗ ଉଠିଛି।