ନୂଆଦିଲ୍ଲୀ,୨୨।୪: ବଲିଉଡ୍ ଖିଲାଡି ବୟ ଅକ୍ଷୟ କୁମାର ଏବେ ଲୋକ ସଭା ନିର୍ବାଚନ ଲଢିବେ ବୋଲି ଚର୍ଚ୍ଚା ଚାଲିଛି। ହେବେ ସୋସିଆଲ ମିଡିଆରେ ଏବେ ଆଉ ଏକ ଚର୍ଚ୍ଚା ଯୋର ଧରିଛି। ଯେ ଅକ୍ଷୟ ନିର୍ବାଚନ ଲଢିବା ପାଇଁ ଯୋଗ୍ୟ ନୁହେଁ। କାରଣ ତାଙ୍କ ପାଖରେ ରହିଛି କାନାଡାର ନାଗରିକତ୍ୱ। ଭାରତୀୟ ସମ୍ବିଧାନ ଅନୁଯାୟୀ ଯଦି ଜଣେ ବ୍ୟକ୍ତିଙ୍କ ନିକଟରେ ଅନ୍ୟ କେଉଁ ଦେଶ ନାକରିକତ୍ୱ ଥାଏ ତେବେ ସେ ଭାରତରେ ନିର୍ବାଚନ ଲଢିବାକୁ ଯୋଗ୍ୟ ବିବେଚିତ ହେବେ ନାହିଁ। କିନ୍ତୁ ଅସଲ କଥା ହେଲା ଅକ୍ଷୟଙ୍କ ପାଖରେ ରହିଛି କାନାଡାର ଅନରାରୀ ସିଟିଜେନଶିପ ବା ସମ୍ମାନସୂଚକ ନାଗରିକତା। ତେଣୁ ସେ ଭାରତରେ ନିର୍ବାଚନ ଲଢିବାରେ ସେମିତି କିଛି ଅସୁପିଧା ନାହିଁ। ଅବଶ୍ୟ ସୋସିଆଲ ମିଡିଆରେ ଅକ୍ଷୟ କାନାଡାର ନାଗରିକ ବୋଲି ଜାଣିବା ପରେ ତାଙ୍କ ପ୍ରଶଂସକମାନେ ଚିନ୍ତାରେ ପଡି ଯାଇଥିଲେ। କିନ୍ତୁ ସେ ଯେ ନିର୍ବାଚନ ଲଢିପାରିବେ ଏହା ଜାଣିବା ପରେ ତାଙ୍କ ପ୍ରଶଂସକଙ୍କ ମହଲରେ ଖୁସି ପ୍ରକାଶ ପାଇଛି।