ୱାଶିଂଟନ: ସମସ୍ତେ ସୁନ୍ଦର ଚେହେରା, ଉଚ୍ଚତା ପସନ୍ଦ କରନ୍ତି। ହେଲେ ଉଚ୍ଚତାକୁ ନେଇ ଜଣେ ଝିଅଙ୍କୁ ଅସୁବିଧା ହେଉଥିବା ସେ କହିଛନ୍ତି। ତାଙ୍କର ଅଧିକ ଉଚ୍ଚତା ଯୋଗୁ ତାଙ୍କୁ ବୟଫ୍ରେଣ୍ଡ ମିଳିବା ମଧ୍ୟ କଷ୍ଟକର ହେଉଛି। ଆମେରିକାର ଜଣେ ୬ଫୁଟ ୨ ଇଞ୍ଚ ଉଚ୍ଚତା ବିଶିଷ୍ଟ ୨୮ ବର୍ଷୀୟା ମୈରୀ ତେମାରା ତାଙ୍କ ଉଚ୍ଚତାକୁ ନେଇ ଦୁଃଖରେ ଥିବା କହିଛନ୍ତି। ଯେଉଁଥିପାଇଁ ତାଙ୍କୁ ବୟଫ୍ରେଣ୍ଡ ଖୋଜିବାରେ ଅସୁବିଧା ହେଉଛି। ଥରେ ସେ ୬ଫୁଟ ୩ ଇଞ୍ଚ ବିଶିଷ୍ଟ ଜଣେ ପୁଅକୁ ଦେଖା କରିବାକୁ ଯାଇଥିଲେ। ହେଲେ ସେଠାରେ ପହଞ୍ଚି ଜଣାପଡିଲା ଯେ, ପୁଅର ଉଚ୍ଚତା ୫ ଫୁଟ ୧୧ ଇଞ୍ଚ। ମୈରୀଙ୍କୁ ସେଠାରେ ତାଙ୍କ ଉଚ୍ଚତା ପାଇଁ ଟ୍ରୋଲ ହେବାକୁ ପଡିଥିଲା। କଥାରେ ଅଛି, ଝିଅଙ୍କ କମ୍ ଉଚ୍ଚତା ହେଲେ ଚଳିବ, କିନ୍ତୁ ପୁଅଙ୍କ ଉଚ୍ଚତା ଝିଅଙ୍କଠାରୁ ଅଧିକ ହେବା ଉଚିତ। ଏବେ ମୈରୀ ଏହି ରୁଢି କଥାକୁ ଭାଙ୍ଗିବାକୁ ଚାହୁଁଛନ୍ତି। ସେ ଏବେ ତାଙ୍କଠାରୁ କମ୍ ଉଚ୍ଚତା ବିଶିଷ୍ଟ ପୁଅଙ୍କୁ ଡେଟ୍ କରିବା ଆରମ୍ଭ କରିଛନ୍ତି। ମୈରୀଙ୍କ ମା’ଙ୍କ ଉଚ୍ଚତା ୬ ଫୁଟ ୫ ଇଞ୍ଚ ହୋଇଥିବାବେଳେ ବାପାଙ୍କ ଉଚ୍ଚତା ୬ଫୁଟ ୩ ଇଞ୍ଚ। ତାଙ୍କ ୨ ଭାଇଙ୍କ ମଧ୍ୟରୁ ଜଣଙ୍କ ଉଚ୍ଚତା ୬ଫୁଟ ୯ ଇଞ୍ଚ ହୋଇଥିବାବେଳେ ଅନ୍ୟଜଣଙ୍କ ୬ଫୁଟ୍ ୧୦ ଇଞ୍ଚ। ତାଙ୍କ ଘରେ ସମସ୍ତଙ୍କ ଉଚ୍ଚତା ୬ଫୁଟ ଉପରେ ଥିବାରୁ ବାହାର ଲୋକେ ସେମାନଙ୍କୁ ଦେଖି ଆଶ୍ଚର୍ଯ୍ୟ ହୁଅନ୍ତି। ତେବେ ମୈରୀ ଆଥ୍ଲେଟ ହେବା ସହ ଜଣେ ମଡେଲର ମଧ୍ୟ।