ଲଣ୍ଡନ, ୩।୯: କରୋନା ମହାମାରୀ ସଂକ୍ରମଣ ଯୋଗୁ ସାରା ପୃଥିବୀରେ କୋକୁଆ ଭୟ ସୃଷ୍ଟି ହୋଇଛି। ତେବେ ବ୍ରିଟେନ୍ରେ ଲୋକେ କରୋନା ସଂକ୍ରମଣକୁ ଫୁ ମନେକରି ୪୪ତମ ଓ୍ବେଲେ ଆର୍ଥ ଫେୟାରରେ ଯୋଗଦେଇ ମନଇଛା ନାଚିଛନ୍ତି। ଏହି ଉତ୍ସବ ଗୁଏର୍ନେସେ ଦ୍ୱୀପରେ ଅଗଷ୍ଟ ୩୦ରେ ଅନୁଷ୍ଠିତ ହୋଇଛି। ମ୍ୟୁଜିକ୍ ଫେଷ୍ଟିଭାଲରେ ୩ ହଜାରରୁ ଅଧିକ ଲୋକ ଯୋଗଦେଇଥିବା କୁହାଯାଉଛି। ଗୁଏର୍ନେସେ ଦ୍ୱୀପରେ ଗାଈ ପାଳନ କରାଯାଇଥାଏ। ଏହି ଦ୍ୱୀପ ଗାଈ କ୍ଷୀର ପାଇଁ ପ୍ରସିଦ୍ଧି ହାସଲ କରିଛି। ତେବେ କରୋନା ସଙ୍କଟ ସମୟରେ ଲୋକେ ମ୍ୟୁଜିକ୍ ଫେଷ୍ଟିଭାଲ ପାଳନ କରିଥିବାରୁ ଏହାକୁ ବହୁ ବୁଦ୍ଧିଜୀବୀ ନା ପସନ୍ଦ କରିଛନ୍ତି। ମ୍ୟୁଜିକ୍ ଫେଷ୍ଟିଭାଲରେ ୭୦ଟି ଟିମ୍ ପକ୍ଷରୁ ବିଭିନ୍ନ ପ୍ରକାରର ନୃତ୍ୟଗୀତ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା। ମ୍ୟୁଜିକ୍ ଫେଷ୍ଟିଭାଲରେ ସାମାଜିକ ଦୂରତା ଅବଲମ୍ବନ କରାଯାଇ ନ ଥିବା କୁହାଯାଉଛି। ଏହାଦ୍ୱାରା ବ୍ରିଟେନ୍ରେ କରୋନା ସଂକ୍ରମଣ ପୁଣି ବଢ଼ିବାର ଆଶଙ୍କା ଦେଖାଦେଇଛି।
