ନୂଆଦିଲ୍ଲୀ,୧୯।୧୨ : ଦିଲ୍ଲୀର କଂଗ୍ରେସ କାର୍ଯ୍ୟାଳୟରେ ସୋମବାର ’ଭାରତ ଯୋଡା ଯାତ୍ରା’ର ପ୍ରସ୍ତୁତି ସମ୍ପର୍କରେ ଦଳର ଏକ ବୈଠକ ଡକାଯାଇଥିଲା। ଏଥିରେ କଂଗ୍ରେସ ନେତା ତଥା ପୂର୍ବତନ ମନ୍ତ୍ରୀ ଜଗଦୀଶ ଟାଇଟଲର ମଧ୍ୟ ଯୋଗ ଦେଇଥିଲେ। ଭାରତ ଯୋଡୋ ଯାତ୍ରା ବିଷୟରେ ଟାଇଟଲର ଗଣମାଧ୍ୟମକୁ କହିଛନ୍ତି ଯେ ଆମେ ଏଥିରେ ଭାଗ ନେବୁ କାରଣ ରାହୁଲ ଗାନ୍ଧୀ ଯାହା କରୁଛନ୍ତି ତାହା ସପକ୍ଷରେ ଆମେ ରହିଛୁ। ସେଥିପାଇଁ ଆମେ ଏକ ବହୁ ସଂଖ୍ୟାରେ ଏଥିରେ ଯୋଗ ଦେଉଛୁ।
୧୯୮୪ ଶିଖ ବିରୋଧୀ ଦଙ୍ଗାରେ ତାଙ୍କ ନାମ ଥିବା ବିଷୟରେ ଯେତେବେଳେ ତାଙ୍କୁ ପଚରାଗଲା, ଟାଇଟଲର କହିଛନ୍ତି, ମୋ ବିରୁଦ୍ଧରେ ଏଫଆଇଆର ଅଛି କି? ସିବିଆଇ ମୋତେ କ୍ଲିୟରାନ୍ସ ମଧ୍ୟ ଦେଇଛି। କିଛି ଲୋକ କେବଳ ରାଜନୀତି କରୁଛନ୍ତି। ହଁ, ଭାରତ ଯୋଡୋ ଯାତ୍ରାରେ ଯୋଗଦେବି ଏବଂ ମୋର ଶେଷ ନିଶ୍ୱାସ ପର୍ଯ୍ୟନ୍ତ ମୁଁ ପାର୍ଟିରେ ରହିବି।
୨୦୨୭ ମସିହାରେ ଗୁଜୁରାଟରେ ଆମ ଆଦମୀ ପାର୍ଟି ସରକାର ଗଠନ କରିବା ନେଇ ପ ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜରିୱାଲଙ୍କ ଦାବି ଉପରେ ଟାଇଟଲର କହିଛନ୍ତି ଯେ ତାଙ୍କୁ କହିବାକୁ ଦିଅନ୍ତୁ। ଆମେ ଜାଣୁ ଯେ ରାହୁଲ ଗାନ୍ଧୀଙ୍କ କାର୍ଯ୍ୟକ୍ରମରେ ସମଗ୍ର ଦେଶ କାମ କରୁଛି। ଇନ୍ଦିରା ଗାନ୍ଧୀଙ୍କ ସମୟରେ କ’ଣ ଘଟିଛି ଆମେ ଦେଖିଛୁ ଏବଂ ବର୍ତ୍ତମାନ ତାହା ପୁଣି ଘଟୁଛି । ଲୋକମାନେ ରାହୁଲଙ୍କ ସହିତ କାର୍ଯ୍ୟ କରୁଛନ୍ତି ।
