କାଟ ଖାଇଲା ବିରୋଧୀଙ୍କ ଅନାସ୍ଥା ପ୍ରସ୍ତାବ, ପ୍ରଧାନମନ୍ତ୍ରୀ କହିଲେ ୨୦୨୮ରେ ଭଲ ପ୍ରସ୍ତୁତି ସହ ଆସିବ

ନୂଆଦିଲ୍ଲୀ,୧୦।୮: ମୋଦି ସରକାରଙ୍କ ବିରୋଧରେ ବିରୋଧୀ ମେଣ୍ଟ ‘ଇଣ୍ଡିଆ’ ଦ୍ୱାରା ଅଣାଯାଇଥିବା ଅନାସ୍ଥା ପ୍ରସ୍ତାବ ଗୁରୁବାର ଲୋକ ସଭାରେ ବିଫଳ ହୋଇଛି। ଏହାର କାରଣ ହେଉଛି ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଅଭିଭାଷଣରେ ବିରୋଧୀ ଦଳ କକ୍ଷତ୍ୟାଗ କରିଥିଲେ।

ବିରୋଧୀ କହିଛନ୍ତି ଯେ, ପ୍ରାୟ ଦୁଇ ଘଣ୍ଟା କଥା ହେବା ପରେ ମଧ୍ୟ ପ୍ରଧାନମନ୍ତ୍ରୀ ମୋଦି ମଣିପୁର ବିଷୟରେ ଉଲ୍ଲେଖ କରିନାହାଁନ୍ତି। ହେଲେ ପ୍ରଧାନମନ୍ତ୍ରୀ ମୋଦି ଭାଷଣର ଶେଷ ଭାଗରେ ମଣିପୁର ଉପରେ ବିସ୍ତୃତ ବିବରଣୀ ଦେଇଛନ୍ତି।

ଅନାସ୍ଥା ପ୍ରସ୍ତାବ ଉପରେ ହୋଇଥିବା ଆଲୋଚନାର ଉତ୍ତରରେ ପ୍ରଧାନମନ୍ତ୍ରୀ କହିଛନ୍ତି ଯେ, ୨୦୧୮ରେ ଗୃହର ନେତା ଭାବରେ ମୁଁ ତାଙ୍କୁ ୨୦୨୩ରେ ଏକ ଅନାସ୍ଥା ପ୍ରସ୍ତାବ ଆଣିବାକୁ ଦାୟିତ୍ୱ ଦେଇଥିଲି। ବର୍ତ୍ତମାନ ମୁଁ ସେମାନଙ୍କୁ ୨୦୨୮ରେ ଆଣିବାର କାର୍ଯ୍ୟ ଦେଉଛି, କିନ୍ତୁ ଅତି କମରେ ଟିକେ ପ୍ରସ୍ତୁତି ହୋଇ ଆସ। ଯାହାଫଳରେ ଜନସାଧାରଣ ଅନୁଭବ କରନ୍ତୁ ଯେ, ଯେ ଅନ୍ତତଃ ବିରୋଧୀ ଯୋଗ୍ୟ ଅଟନ୍ତି।